مرکزی وزیر داخلہ امت شاہ نے جمعہ (14 فروری 2025) کو مہاراشٹرا میں جلد از جلد تین نئے فوجداری قوانین نافذ کرنے کی ہدایت کی ہے۔ امت شاہ نے نئی دہلی میں مہاراشٹر کے وزیر اعلی دیویندر فڑنویس کے ساتھ جائزہ میٹنگ کی۔ اس میٹنگ کے دوران مرکزی وزیر داخلہ نے مہاراشٹر حکومت سے کہا کہ وہ جلد از جلد ریاست کے تمام کمشنریٹس میں نئے فوجداری قانون کو نافذ کرے۔
#WATCH | Delhi: After meeting Union Home Minister Amit Shah regarding the new criminal laws, Maharashtra CM Devendra Fadnavis says, “Today, Union HM Amit Shah called a review meeting regarding the three criminal laws… The HM reviewed how we are working on the new provisions in… pic.twitter.com/Z20L8IKVOp
— ANI (@ANI) February 14, 2025
اس جائزہ میٹنگ کے دوران امت شاہ نے مہاراشٹر حکومت پر زور دیا کہ وہ نئے فوجداری قوانین کے مطابق ایک مثالی ڈائریکٹوریٹ آف پراسیکیوشن سسٹم بنائے۔ میٹنگ میں مہاراشٹر میں پولیس، جیلوں، عدالتوں، پراسیکیوشن اور فرانزک سے متعلق مختلف نئی دفعات کے نفاذ اور موجودہ صورتحال کا جائزہ لیا گیا۔مرکزی وزیر داخلہ امت شاہ نے بحث کے دوران کہا کہ وزیر اعظم نریندر مودی کے ذریعہ متعارف کرائے گئے تین نئے فوجداری قوانین کا نچوڑ فرسٹ انفارمیشن رپورٹ (ایف آئی آر) داخل کرنے سے لے کر سپریم کورٹ کے فیصلے تک کسی بھی معاملے میں تین سال کے اندر انصاف فراہم کرنے کی فراہمی میں مضمر ہے۔
میٹنگ کے بعد، مہاراشٹر کے وزیر اعلی دیویندر فڑنویس نے خبر رساں ایجنسی اے این آئی کو بتایاکہ’مرکزی وزیر داخلہ امت شاہ نے تین نئے قوانین پر ایک جائزہ میٹنگ کی ہے تاکہ یہ دیکھا جا سکے کہ ہم نے ان کے لیے کس طرح تیاری کی ہے۔ انہوں نے ایسے تمام معاملات کا جائزہ لیا ہے۔ مجموعی طور پر یہ ایک اچھی جائزہ میٹنگ تھی۔ ہم ریاست میں امن و امان قائم کریں گے۔امت شاہ نے تین نئے فوجداری قوانین کے نفاذ کے سلسلے میں گزشتہ چند مہینوں میں دیگر ریاستوں کے ساتھ بھی اسی طرح کی میٹنگیں کی ہیں۔ ان ریاستوں میں گجرات، مدھیہ پردیش، اتر پردیش، اتراکھنڈ اور ہریانہ شامل ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
