اگلے 3 دنوں تک دہلی-این سی آر میں کیسا رہے گا موسم؟ جانئے بارش کے حوالے سے آئی ایم ڈی نے کیا کہا
Weather Update: مانسون ملک کی بیشتر ریاستوں میں سرگرم ہے۔ محکمہ موسمیات نے اتر پردیش، دہلی، پنجاب، ہریانہ سمیت دیگر ریاستوں میں بارش کی پیش گوئی کی ہے۔ اس کے علاوہ پہاڑی علاقوں میں بھی بارش کا امکان ہے۔ اتراکھنڈ اور ہماچل پردیش میں آج بارش کا امکان ہے۔ ایسے میں آئیے جانتے ہیں کہ آج ملک بھر میں موسم کیسا رہے گا؟
راجستھان میں کیسا رہے گا موسم؟
دہلی میں پچھلے کچھ دنوں سے روزانہ بارش ہو رہی ہے۔ آج بھی دہلی کے کئی علاقوں میں بوندا باندی متوقع ہے۔ ایسے میں دارالحکومت میں کچھ دنوں سے امس(نمی)میں ایک بار پھر اضافہ ہوا ہے۔ محکمہ موسمیات نے اس پورے ہفتے دہلی میں بارش کی پیش گوئی کی ہے۔ وہیں راجستھان میں مانسون کی سرگرمی کی وجہ سے اتوار کو بھی بارش کا سلسلہ جاری رہا۔ جے پور، کوٹا اور پالی اضلاع میں ہلکی سے درمیانی بارش ریکارڈ کی گئی۔ محکمہ موسمیات نے مشرقی راجستھان کے بیشتر حصوں میں 5-7 دنوں تک بارش کی پیش گوئی کی ہے۔ اس کے ساتھ ہی کوٹا، ادے پور، اجمیر اور جودھ پور ڈویژن کے کچھ حصوں میں آنے والے 2-3 دنوں میں زبردست بارش ہوسکتی ہے۔
یوپی میں موسم کی حالت؟
اتر پردیش میں بھی بارش دوبارہ شروع ہو گئی ہے۔ پچھلے کچھ دنوں سے یوپی کے کچھ اضلاع میں نمی بڑھ گئی تھی، لیکن آج سے ریاست کے کئی اضلاع میں بارش کا امکان ہے۔ محکمہ موسمیات کے مطابق 30 جولائی کو مغربی اور مشرقی یوپی کے کئی حصوں میں گرج چمک کے ساتھ بارش ہوسکتی ہے۔ اس کے ساتھ ہی 31 جولائی کو مغربی یوپی میں تقریباً تمام مقامات پر بارش کا الرٹ جاری کیا گیا ہے۔
یہ بھی پڑھیں- Delhi Fire: دہلی کے آئی این اے مارکیٹ میں لگی زبردست آگ، کئی زخمی
پہاڑی ریاستوں میں کیسا رہے گا موسم کا مزاج؟
اتوار کو پہاڑی ریاست اتراکھنڈ کے کئی اضلاع میں موسلادھار بارش ہوئی۔ محکمہ موسمیات کے مطابق آج ہریدوار، ادھم سنگھ نگر، ٹہری، پوڑی اضلاع اور دیگر اضلاع میں موسلادھار بارش ہوسکتی ہے۔ ریاست کے تمام اضلاع میں 31 جولائی کو یلو الرٹ جاری کر دیا گیا ہے۔ پہاڑوں پر زیادہ بارش کے باعث لینڈ سلائیڈنگ کے واقعات میں اضافہ ہوا ہے۔ اس کے ساتھ ہی ہماچل پردیش کے کئی اضلاع میں 31 جولائی تک بارش کا امکان ہے۔
-بھارت ایکسپریس
