دہلی کی ذیلی عدالتوں میں زیر التواء تقریباً ساڑھے چارلاکھ مقدمات میں سے اوسطاً 10 میں سے تین مقدمات چیک باؤنس کے ہیں۔ ایک انگریزی اخبارنے دہلی کی مختلف ڈیجیٹل عدالتوں کا سروے کیا توپتہ چلا کہ اوسطاً، ڈیجیٹل این آئی یعنی نیگوشی ایبل انسٹرومنٹ ایکٹ عدالتیں، جوان مقدمات کا فیصلہ کرتی ہیں، روزانہ 100 مقدمات کی سماعت کرتی ہیں۔
این آئی ایکٹ کے تحت، شکایت درج کرنے کی تاریخ سے 6 ماہ کے اندرہرمقدمے کو مکمل کرنے کی کوشش کی جاتی ہے، لیکن بڑی تعداد میں مقدمات زیرالتوا ہونے کی وجہ سے لگاتارایک سماعت کے بعد اگلی سماعت کم ازکم 10 ماہ کے وقفے سے ہوتی ہے۔ بعض معاملات میں سماعت ایک سال کے وقفہ کے بعد ہوتی ہے۔
کل 15 لاکھ مقدمات زیر التوا
کل 15.18 لاکھ مقدمات زیرالتوا ہیں۔ ان میں سے 13 لاکھ فوجداری اور2.18 لاکھ دیوانی مقدمات ہیں۔ دہلی کی 12 ٹرائل کورٹس میں کل 672 جج ہیں۔ ان عدالتوں میں روزانہ تقریباً 24,000 مقدمات کی سماعت ہوتی ہے، جس میں ہرجج اوسطاً 35 مقدمات کا فیصلہ کرتا ہے۔ کچھ کورٹ روم میں ایک دن میں 200 سے زیادہ مقدمات زیرالتوا ہوسکتے ہیں۔ جبکہ کئی عدالتوں میں صرف ایک دوکیس ہی سماعت کے لیے آتے ہیں۔ اگر جج ہرمقدمے کے لیے برابروقت دینے کا فیصلہ کرتا ہے، تو وہ ہرمقدمے پر10 منٹ سے بھی کم وقت دے پاتا ہے۔ اگر ہم اس کی تفصیل میں جائیں تو پتہ چلے گا کہ ڈیجیٹل ٹریفک کورٹ میں تقریباً 1.48 لاکھ مقدمات زیر التوا ہیں، یہ چالان کے تصفیے سے متعلق ہیں۔
جنسی زیادتی کے کتنے معاملات ہیں؟
طلاق، نان ونفقہ (منٹیننس) اورازدواجی معاملات کی تعداد تقریباً ساڑھے تین فیصد یعنی تقریباً 52 ہزارہے۔ گاڑیوں سے ہونے والے حادثات سے متعلق دعوے کی سماعت کرنے والی خصوصی عدالت(Motor Accident Claims Tribunal) میں تقریباً 23 ہزارمعاملے ملتوی ہیں، جو کل مقدمات کا ڈیڑھ فیصد ہیں، جن کا تعلق گاڑیوں سے ہونے والے جان مال کے نقصان اورزخمی ہونے سے ہے۔
وہیں گھریلو تشدد ایکٹ کے تحت 25 ہزار 21 مقدمات التوا کے شکارہیں۔ عصمت دری اورقتل کے زیرالتوا مقدمات ایک فیصد سے بھی کم ہیں۔ عصمت دری کے 5,199 مقدمات اورقتل کے 3,988 مقدمات زیرالتوا ہیں۔ جنسی جرائم سے بچوں کے تحفظ کے قانون (POCSO) کے تحت زیرالتواء مقدمات کی تعداد 9,682 ہے۔ ان میں سے بیشترکی سماعت فاسٹ ٹریک خصوصی عدالتوں میں کی جارہی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
