حیدرآباد: مرکزی وزیر داخلہ امت شاہ نے پیر کے روز چھتیس گڑھ کے جگدل پور میں تلنگانہ پولیس کے سینئر افسران کو اعزاز سے نوازا۔ یہ اعزاز انہیں ماؤ نواز سرگرمیوں پر قابو پانے اور تلنگانہ کو نکسل سے پاک ریاست بنانے میں اہم کردار ادا کرنے پر دیا گیا۔ اس موقع پر تلنگانہ کے ڈی جی پی سی وی آنند، ریاستی سلامتی مشیر بی شیودھر ریڈی، ڈی جی پی آپریشنز انل کمار اور ملکاج گیری پولیس کمشنر بی سُمَتھی سمیت ایس آئی بی ٹیم بھی موجود رہی۔
امت شاہ نے پولیس کی قربانیوں کو سراہا
اس موقع پر وزیر داخلہ امت شاہ نے تلنگانہ پولیس کی بہادری، قربانی اور مربوط کوششوں کی تعریف کی، جن کی بدولت تلنگانہ کو ’نکسل فری‘ ریاست بنایا جا سکا۔ اس کامیابی پر خوشی کا اظہار کرتے ہوئے تلنگانہ پولیس کے چیف سی وی آنند نے سوشل میڈیا پلیٹ فارم ’ایکس‘ پر پوسٹ کرتے ہوئے کہا کہ یہ تلنگانہ پولیس کے لیے فخر کا لمحہ ہے کہ بائیں بازو کی شدت پسندی کے خلاف کارروائیوں اور پائیدار امن قائم کرنے کی کوششوں کو مرکزی وزیر داخلہ کی جانب سے سراہا گیا۔
پولیس اہلکاروں کو ملا کامیابی کا کریڈٹ
سی وی آنند نے کہا کہ انہیں تلنگانہ پولیس کی جانب سے یہ اعزاز حاصل کرنے کا موقع ملا۔ اس موقع پر ان کے ساتھ ریاستی سلامتی مشیر بی شیودھر ریڈی، ڈی جی پی آپریشنز ڈاکٹر انل کمار، ملکاج گیری کمشنر اور سابق ایس آئی بی آئی جی پی سُمَتھی اور ایس آئی بی کی پوری ٹیم بھی موجود تھی۔ انہوں نے کہا کہ یہ اعزاز تلنگانہ پولیس کے ہر افسر اور جوان کے نام ہے، خاص طور پر گری ہاؤنڈ، انٹیلی جنس، آکٹوپس اور فیلڈ یونٹس کے لیے، جن کی جرات، قربانی اور باہمی تال میل نے تلنگانہ کو ’نکسل فری‘ ریاست بنانے میں اہم کردار ادا کیا۔
’نکسل فری بھارت‘ کے خواب کا ذکر
ڈی جی پی نے مزید کہا کہ وہ وزیر داخلہ امت شاہ کے شکر گزار ہیں، جنہوں نے ’نکسل فری بھارت‘ کے خواب کو حقیقت میں بدلنے کی سمت میں تلنگانہ پولیس کی خدمات کو تسلیم کیا۔ انہوں نے کہا کہ تلنگانہ پولیس پوری دیانتداری اور پیشہ ورانہ مہارت کے ساتھ امن، سلامتی اور عوامی فلاح و بہبود کے تحفظ کے لیے ہمیشہ پرعزم رہے گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
