ہماچل پردیش میں سیاسی تعطل کو کانگریس نے ختم کرلیا ہے۔
Himachal Pradesh Politics: ہماچل پردیش میں تین دنوں سے جاری سیاسی ہلچل پرفی الحال بریک لگ گیا ہے۔ اب تک ناراض نظرآرہیں ہماچل پردیش کانگریس کی صدرپرتبھا سنگھ اور وزیراعلیٰ سکھویندرسنگھ سکھو ساتھ نظرآئے اورپریس کانفرنس میں دونوں نے لوک سبھا الیکشن مل کرلڑنے کا اعلان کیا۔ اس دوران 6 اراکین پرمشتمل کوآرڈی نیشنل کمیٹی کا بھی اعلان کیا گیا۔
پارٹی اعلیٰ کمان کی طرف سے شملہ بھیجے گئے کانگریس کے مشکل کشا مانے جانے والے کرناٹک کانگریس کے صدراورنائب وزیراعلیٰ ڈی کے شیوکمارنے کہا کہ ہم نے کانگریس کے سبھی اراکین اسمبلی سے بات کی۔ تمام اختلافات ختم ہوگئے ہیں۔ ہم حکومت اور پارٹی میں ایک کوآرڈی نیشن کمیٹی بنا رہے ہیں۔ اس کا اعلان دہلی سے کیا جائے گا۔ ہم سبھی متحد ہیں۔
راجیہ سبھا الیکشن کے رزلٹ پرافسوس: بھوپیندرسنگھ ہڈا
وہیں ہریانہ کے سابق وزیراعلیٰ بھوپیندرسنگھ ہڈا نے کہا کہ جوراجیہ سبھا کا الیکشن ہوا۔ پارٹی کو افسوس ہے کہ پارٹی نے ایک سیٹ گنوا دی۔ تمام اراکین اسمبلی سے اتفاق رائے ہوا ہے۔ آگے سے متحد ہوکرلوک سبھا الیکشن لڑیں گے۔ کوآرڈی نیشن کمیٹی بنائی جائے گی، جس میں وزیراعلیٰ، نائب وزیراعلیٰ، پردیش صدر اورتین دیگرلوگ شامل ہوں گے۔ ان کا کام ہوگا آپس میں اتفاق رائے بنانا۔ ہم سبھی ایک ہیں۔ کوئی بیان بازی نہیں کرے گا۔ یہاں آپریشن لوٹس نہیں چلے گا۔
#WATCH | Himachal Pradesh Chief Minister Sukhvinder Singh Sukhu says, “After Rajya Sabha elections everybody started thinking that Himachal Pradesh government is breaking…I also came across news that the state CM has resigned, which I highly condemned, this all was done to… pic.twitter.com/RIyxCvzDyi
— ANI (@ANI) February 29, 2024
وزیراعلیٰ بنے رہیں گے سکھویندر سنگھ سکھو؟
سکھویندرسنگھ سکھو کے وزیراعلیٰ بنے رہنے سے متعلق میڈیا کے سوال پر ڈی کے شیوکمار نے کہا کہ ریاست میں کانگریس کی حکومت ہے اور سکھویندرسنگھ سکھو وزیراعلیٰ ہیں۔ وہیں بھوپیندرسنگھ ہڈا نے کہا کہ یہ خیالی سوال ہے۔
#WATCH | Shimla, Himachal Pradesh: When asked if CM Sukhu will remain CM for 5 years, Congress observer DK Shivakumar says, “Congress government is there and Sukhu is the CM. All the MLAs want Congress government for 5 years…No operation Lotus here.” pic.twitter.com/gpON1UJ8oU
— ANI (@ANI) February 29, 2024
راجیہ سبھا میں ملی ہار پرہمیں افسوس: پرتبھا سنگھ
وہیں ہماچل پردیش کانگریس کمیٹی کی سربراہ پرتبھا سنگھ نے کہا کہ لوک سبھا الیکشن ہمارا اگلا چیلنج ہے۔ راجیہ سبھا میں ملی ہار پر ہمیں افسوس ہے۔ پاٹی پہلے بھی مضبوط تھی اورآج بھی مضبوط ہے۔ ہماچل پردیش کی چاروں لوک سبھا سیٹ جیتیں گے۔ ہم تال میل چاہتے ہیں۔ کوآرڈی نیشن کمیٹی میں سینئرلوگ شامل ہوں گے۔
VIDEO | Here’s what Himachal Pradesh Congress president Pratibha Singh (@virbhadrasingh) said on the recent political turmoil in the hill state.
“We regret that we could not make our candidate, who is an eminent lawyer (Abhishek Manu Singhvi), win the Rajya Sabha seat. Now we… pic.twitter.com/IYcec4Rlim
— Press Trust of India (@PTI_News) February 29, 2024
سکھویندرسنگھ سکھو کیا کہا؟
وہیں وزیراعلیٰ سکھویندرسنگھ سکھونے بی جے پی پرتنقید کی۔ انہوں نے کہا کہ بی جے پی کس اکثریت کی بات کررہی ہے۔ سازش کے تحت میرے استعفیٰ کی جھوٹی خبر پھیلائی گئی۔ باغی اراکین اسمبلی ہماچل پردیش کی عوام کا سامنا نہیں کرپائیں گے۔ ہماری حکومت پانچ سال تک چلے گی۔ انہوں نے کہا کہ بی جے پی گندی سیاست کر رہی ہے۔ حکومت گرانے کی کوشش کررہی ہے۔ عوام جواب دے گی۔ باغیوں کی غلطی معاف کی جاسکتی ہے۔ وہ کانگریس میں آنا چاہیں تو استقبال ہے۔ میری کمی رہی کہ میں شرافت میں رہ گیا۔
-بھارت ایکسپریس
