جموں و کشمیر کے کٹھوعہ ضلع سے ایک بار پھر دہشت گردوں کے ساتھ مڈبھیڑ کی خبر سامنے آئی ہے۔ کمادھ نالے کے گھنے جنگلات میں دہشت گردوں کی موجودگی کی اطلاع ملنے کے بعد سیکورٹی فورسز نے بڑے پیمانے پر سرچ آپریشن شروع کر دیا ہے۔ مڈبھیڑ کے بعد پورے علاقے میں ہائی الرٹ نافذ کر دیا گیا ہے اور حالات نہایت حساس بنے ہوئے ہیں۔اطلاعات کے مطابق کٹھوعہ ضلع کے دھنّو پرول علاقے میں گزشتہ روز دوپہر کے وقت ایک مسلح مشتبہ شخص کو دیکھا گیا تھا۔ مقامی لوگوں نے فوری طور پر اس کی اطلاع پولیس کو دی، جس کے بعد جموں و کشمیر پولیس اور دیگر سیکورٹی ایجنسیاں متحرک ہو گئیں۔ اطلاع ملتے ہی علاقے کی ناکہ بندی کر کے سرچ آپریشن تیز کر دیا گیا۔
اسی دوران جنگل میں چھپے دہشت گردوں نے اچانک سیکورٹی فورسز پر فائرنگ شروع کر دی، جس کے نتیجے میں مڈبھیڑ شروع ہو گئی۔ فائرنگ کے بعد دہشت گرد جنگل کی گہرائی میں فرار ہونے میں کامیاب ہو گئے، جس کے بعد پورے کمادھ نالے اور اس کے آس پاس کے جنگلات میں بڑے پیمانے پر تلاشی مہم چلائی جا رہی ہے۔ سیکورٹی فورسز کو خدشہ ہے کہ دہشت گرد اب بھی علاقے میں موجود ہو سکتے ہیں۔ جنگلاتی اور دشوار گزار علاقہ ہونے کی وجہ سے آپریشن کو چیلنجنگ مانا جا رہا ہے، قابل ذکر بات یہ ہے کہ اس کے باوجود جوان پوری مستعدی کے ساتھ سرچ آپریشن کو آگے بڑھا رہے ہیں۔
#WATCH | Jammu and Kashmir: A major combing and search operation is underway after an encounter broke out between the security forces and terrorists in the forest of Kamadh Nullah, Kathua. An exchange of fire had taken place yesterday between the J&K Police and terrorists.… pic.twitter.com/aPv71b5Beb
— ANI (@ANI) January 8, 2026
پولیس حکام کے مطابق صورتحال فی الحال قابو میں ہے، لیکن کسی بھی ممکنہ خطرے سے نمٹنے کے لیے اضافی سیکورٹی فورسز تعینات کی گئی ہیں۔ علاقے میں ڈرون، تلاشی دستوں اور اسپیشل ٹیموں کی مدد سے باریک بینی سے جانچ کی جا رہی ہے۔ ساتھ ہی آمد و رفت کے تمام راستوں پر سخت ناکہ بندی کر دی گئی ہے تاکہ دہشت گردوں کے فرار کی کسی بھی کوشش کو ناکام بنایا جا سکے۔پولیس نے مقامی لوگوں سے بھی محتاط رہنے کی اپیل کی ہے اور کہا ہے کہ کسی بھی مشتبہ سرگرمی کی فوری اطلاع دیں۔ افواہوں سے بچنے کی بھی ہدایت دی گئی ہے۔ فی الحال مڈبھیڑ کے بعد سرچ آپریشن جاری ہے اور سیکورٹی فورسز دہشت گردوں کو گھیر کر انہیں بے اثر بنانے کی پوری کوشش کر رہی ہیں۔ آنے والے وقت میں اس آپریشن سے متعلق مزید اہم معلومات سامنے آنے کا امکان ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
