ناگالینڈ میں شدید لینڈ سلائیڈ
نئی دہلی: ناگالینڈ میں منگل کی شام لینڈ سلائیڈ کے باعث ایک پہاڑی سے بڑے بڑے پتھر گرنے کی وجہ سے دو کاریں اس کی زد میں آ گئیں، جس کے نتیجے میں 2 افراد کی موت واقع ہو گئی۔ دیما پور اور کوہیما کے مابین ضلع چوموکیدیما میں قومی شاہراہ 29 پر موسلا دھار بارش کے درمیان شام 5 بجے کے قریب پیش آنے والے اس حادثے میں تین دیگر افراد شدید طور پر زخمی ہو گئے۔ تاہم، ہلاک شدگان کی تاحال شناخت نہیں ہو سکی ہے۔
خوفناک تصویر کیمرے میں ہوئی قید
بتا دیں کہ کوہیما کی طرف سے آنے والی دو کاروں کو مکمل طور پر کچلنے کے بعد، پتھروں میں سے ایک دوسری کار کو گراتا ہوا گزر گیا۔ پیچھے انتظار میں کھڑی ایک کار کے ڈیش بورڈ پر لگے کیمرے میں یہ خوفناک تصویر قید ہوگئی۔ حادثے کی ویڈیو سوشل میڈیا پر خوب وائرل ہو رہی ہے۔
#WATCH | A massive rock smashed a car leaving two people dead and three seriously injured in Dimapur’s Chumoukedima, Nagaland, earlier today
(Viral video confirmed by police) pic.twitter.com/0rVUYZLZFN
— ANI (@ANI) July 4, 2023
ایک کی اسپتال میں ہوئی موت
خبر رساں ایجنسی پی ٹی آئی نے حکام کے حوالے سے بتایا ہے کہ ایک شخص کی موقع پر ہی موت ہو گئی، جب کہ دوسرے نے اسپتال میں علاج کے دوران دم توڑ دیا۔ رپورٹ میں پولیس کے حوالے سے دعویٰ کیا گیا کہ ایک اور شخص ایک کار کے اندر پھنسا ہوا تھا اور اس کو بچانے کے لیے ریسکیو آپریشن جاری تھا۔
4 لاکھ روپے کی مالی امداد کا کیا گیا اعلان
دوسری جانب چیف منسٹر نیفیو ریو نے ایک ٹویٹ میں ہلاکتوں پر تعزیت کا اظہار کرتے ہوئے کہا کہ جس جگہ پر حادثہ پیش آیا اسے “پکالا پہاڑ” کے نام سے جانا جاتا ہے اور اس جگہ پر لینڈ سلائیڈ اور چٹانوں کے گرنے کا امکان رہتا ہے۔ وزیر اعلیٰ نے کہا کہ ان کی حکومت زخمیوں کو ہنگامی خدمات اور ضروری طبی امداد فراہم کرنے کے لیے تمام ضروری اقدامات کر رہی ہے۔ ہر متاثرہ خاندان کو 4 لاکھ روپے کی مالی امداد کا بھی اعلان کیا گیا ہے۔
بھارت ایکسپریس۔
