وزیر اعظم نریندر مودی نے توانائی کے شعبے میں ہندوستان کی بے مثال پیش رفت پر روشنی ڈالی ہے، جس میں اس میدان میں گزشتہ11 سال کی وسیع اصلاحات کی نشاندہی کی گئی ہے کہ کس طرح ملک کو قابل تجدید توانائی کے میدان میں عالمی رہنماؤں میں ہو گیا ہے۔ مرکزی وزراء پرہلاد جوشی اور ہردیپ سنگھ پوری نے اس اعتراف کے ایک حصے کے طور پر صاف اور سستی توانائی میں ہندوستان کی کامیابیوں اور مستقبل کے روڈ میپ کا خاکہ پیش کرنے والے دو تفصیلی مضامین لکھے ہیں۔ وزیر اعظم آفس نے ہردیپ سنگھ پوری کا مضمون شیئر کیا ہے۔
نئی اور قابل تجدید توانائی کے مرکزی وزیر پرہلاد جوشی نے سبز توانائی میں ہندوستان کی قیادت کی نشاندہی کرتے ہوئے کہا کہ ملک اب شمسی توانائی میں تیسرے نمبر پر، ہوا کی توانائی میں چوتھے اور مجموعی طور پر قابل تجدید صلاحیت میں چوتھے نمبر پر ہے۔ 232 گیگا واٹ سے زیادہ قابل تجدید توانائی پہلے سے ہی انسٹال ہو چکی ہے اور مزید 176 گیگا واٹ پر کام چل رہا ہے۔ جوشی نے اس پیشرفت کا سہرا پی ایم مودی کی قیادت میں واضح طویل مدتی وژن اور بروقت فیصلوں کو دیا، جنھوں نے گجرات کے وزیر اعلیٰ کے طور پر اپنے دور میں ہی سولر پروجیکٹ کا آغاز کر دیا تھا۔
In the last 11 years, India’s energy sector has undergone a structural transformation with a strong push for affordable and clean energy through reforms, green initiatives and focus on self-reliance. Do read this insightful article by Union Minister Shri @HardeepSPuri. https://t.co/XT9qx6qHA5
— PMO India (@PMOIndia) June 4, 2025
پیٹرولیم اور قدرتی گیس کے مرکزی وزیر ہردیپ سنگھ پوری کے مضمون میں روشنی ڈالی گئی ہے کہ کس طرح ہندوستان عالمی سطح پر توانائی کا تیسرا سب سے بڑا صارف اور چوتھا سب سے بڑا ریفائنر اور ایک بڑا ایل این جی درآمد کنندہ بن گیا ہے۔ انھوں نے نوٹ کیا کہ چھ کروڑ ہندوستانی اب روزانہ ایندھن اسٹیشنوں تک پہنچتے ہیں، جو توانائی تک رسائی کے پیمانے کو واضح کرتا ہے۔
ہردیپ پوری کے مطابق پی ایم مودی کی حکومت نے ہندوستان کو ’’گمشدہ دہائی‘‘ کے جمود سے نکال کر عالمی قیادت کے ایک مرحلے میں داخل کیا ہے، جہاں ملک جاپان کو پیچھے چھوڑ کر دنیا کی چوتھی سب سے بڑی معیشت بن گیا ہے۔ ایکسپلوریشن اور پروڈکشن (E&P) میں کلیدی اصلاحات، ایندھن میں خود انحصاری اور توانائی کی استطاعت نے اس ترقی میں اہم کردار ادا کیا ہے۔
دونوں مضامین میں اس بات پر زور دیا گیا ہے کہ کہ توانائی آتم نربھر بھارت کی طرف سفر اب ایک وژن نہیں بلکہ ایک ٹھوس حقیقت ہے۔ پی ایم مودی کی قیادت میں یہ شعبہ اب نہ صرف صلاحیت کی توسیع بلکہ اسٹریٹجک دور اندیشی کی عکاسی کرتا ہے، جو ہندوستان کو عالمی توانائی میں فیصلہ کن قوت بناتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
