دہلی میں 24 گھنٹے کے اندردو قتل نے لوگوں میں سنسنی پھیلا دی ہے۔ اب دہلی کے پاس علاقے مالویہ نگرمیں جمعہ کے روز دن میں ہی ایک لڑکی کا قتل کردیا گیا۔ پولیس نے بتایا کہ مہلوکہ کا نام نرگس ہے۔ فرارملزم کو گرفتارکرلیا گیا ہے۔ ملزم نے پوچھ گچھ میں بتایا کہ لڑکی نے شادی سے انکار کردیا تھا، جس سے غصے میں آکر اس نے اس کا قتل کردیا۔
جانکاری کے مطابق، مالویہ نگرمیں تقریباً 23-22 سال کی لڑکی نرگس پرایک پارک میں لوہے کی راڈ سے حملہ کردیا گیا۔ سر پر لوہے کی راڈ مارنے سے وہ بری طرح زخمی ہوگئے، جس سے اس کی وہیں موت ہوگئی۔ قتل کے بعد ملزم موقع سے فرار ہوگیا تھا۔ حالانکہ کچھ ہی دیر میں ملزم کو پکڑلیا گیا۔ ملزم کی پہچان سنگم وہار میں رہنے والے 28 سالہ عرفان کے طور پر ہوئی ہے۔ دوسری جانب پولیس نے لڑکی کی لاش کو پوسٹ مارٹم کے لئے بھیج کرجانچ شروع کردی ہے۔
Delhi | We received information that the body of a 25-year-old girl was found near Aurbindo College in South Delhi’s Malviya Nagar. An iron rod was found near her body. According to a preliminary investigation, the girl was attacked with a rod. Further investigation is in… pic.twitter.com/eCOeVAd1yi
— ANI (@ANI) July 28, 2023
فیملی نے شادی کرنے سے کردیا تھا انکار
پولیس نے بتایا کہ نرگس کی فیملی نے اپنی بیٹی کی شادی ملزم سے کرنے سے منع کردیا تھا۔ اس کے بعد نرگس نے عرفان سے بات کرنا بند کردیا تھا، جس سے وہ پریشان چل رہا تھا۔ متاثرہ لڑکی نے اسی سال کملا نہرو کالج سے گریجویشن مکمل کیا ہے۔ وہ مالویہ نگر علاقے سے اسٹینو کی کوچنگ کر رہی تھی۔
بھارت ایکسپریس۔
