نئی دہلی : ممبئی انٹرنیشنل ایئرپورٹ لمیٹڈ (ایم آئی اے ایل) کا انتظام سنبھالنے والے اڈانی گروپ نے ممبئی کے تاریخی ٹرمینل 1 (ٹی 1) کی ازسرنو تعمیر اور جدید کاری کے منصوبے کے تئیں اپنی وابستگی کا اعادہ کیا ہے۔ اڈانی ایئرپورٹس کے ڈائریکٹر جیت اڈانی اور ارون بنسل نے منگل کو ایئرپورٹ کی ایئرلائن آپریٹرز کمیٹی (اے او سی) کے نمائندوں کے ساتھ ایک اہم میٹنگ کی۔اس میٹنگ میں اڈانی گروپ کی قیادت نے تمام ایئرلائن کمپنیوں کو یقین دلایا کہ ٹرمینل 1 کی بڑے پیمانے پر جدید کاری کے دوران پروازوں کی آمد و رفت میں کسی قسم کی رکاوٹ نہیں آنے دی جائے گی۔ اس کے علاوہ موسم سرما کے شیڈول کے دوران تمام موجودہ سلاٹس بھی پوری طرح محفوظ رہیں گے۔
جیت اڈانی کی ایئرلائنز کو یقین دہانی
اڈانی گروپ کی ترجیح ممبئی کے مسافروں کو عالمی معیار کی سہولیات فراہم کرنا ہے۔ جیت اڈانی اور ایئرلائن نمائندوں کے درمیان ہونے والی اس میٹنگ کا بنیادی مقصد ایئرپورٹ کے بنیادی ڈھانچے کی بڑی سطح پر جدید کاری کے ساتھ پروازوں کے معمول کے آپریشن کو برقرار رکھنا تھا۔میٹنگ میں فیصلہ کیا گیا کہ آئندہ دو ہفتوں کے اندر ایک مشترکہ ورکنگ گروپ تشکیل دیا جائے گا۔ یہ گروپ ٹرمینل 1 کی ازسرنو تعمیر اور جدید کاری کے لیے تفصیلی عملی منصوبہ تیار کرے گا۔ایئرلائن کمپنیوں نے بھی اڈانی گروپ کے اس وسیع منصوبے کا خیرمقدم کیا ہے۔ انہوں نے آئندہ موسم گرما کے شیڈول سے فضائی ٹریفک کو متوازن رکھنے کے لیے مکمل تعاون کی یقین دہانی کرائی ہے۔
نوی ممبئی ایئرپورٹ پر منتقلی میں بھی مدد
اڈانی گروپ نے ایئرلائنز کے نیٹ ورک اور سلاٹ مینجمنٹ کو آسان بنانے کے لیے ہر ممکن تعاون کا وعدہ کیا ہے۔ اگر کوئی ایئرلائن کمپنی اپنی پروازوں کے آپریشن کو زیر تعمیر نوی ممبئی انٹرنیشنل ایئرپورٹ (این ایم آئی اے) منتقل کرنا چاہتی ہے تو اڈانی ایئرپورٹس کی ٹیم اسے ہر ممکن مدد فراہم کرے گی۔دونوں فریقوں کے درمیان اگلی جائزہ میٹنگ 28 اکتوبر کو منعقد ہوگی، جس میں ٹرمینل 1 کی جدید کاری کے اگلے مراحل کو حتمی شکل دی جائے گی۔اڈانی گروپ کے ترجمان کے مطابق اس پہل کا بنیادی مقصد ممبئی کے شہریوں کو جدید ترین سہولیات اور عالمی معیار کے مطابق ایک بین الاقوامی ایئرپورٹ فراہم کرنا ہے۔
بھارت یکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
