نئی دہلی: راجدھانی دہلی کے ہائی سیکورٹی والے چانکیہ پوری علاقے میں ایک سنگین واقعہ پیش آیا ہے، جہاں رکن پارلیمنٹ سدھا رام کرشنن کی قیمتی چین چھین لی گئی۔ آپ کو بتا دیں کہ سدھا رام کرشنن تمل ناڈوبھون میں رہتی ہیں۔ یہ واقعہ اس وقت پیش آیا، جب وہ آج صبح چہل قدمی کے لیے نکلی تھیں۔ واقعے کے بعد دہلی پولیس نے فوری کارروائی کرتے ہوئے مقدمہ درج کرلیا اورتحقیقات کا عمل جاری ہے۔ سیکورٹی کے اس حساس علاقے میں پیش آنے والے اس واقعہ نے سیکورٹی کے نظام پرسوالات کھڑے کردیئے ہیں۔ پولیس واقعہ کے تمام پہلوؤں سے تفتیش کررہی ہے۔
آر سدھا رام کرشنن تمل ناڈوکے مائیلادوتھرائی لوک سبھا حلقہ سے رکن پارلیمنٹ ہیں۔ انہوں نے مرکزی وزیر داخلہ امیت شاہ کو خط لکھ کر اس واقعہ کی جانکاری دی، جس میں انہوں نے بتایا کہ آج صبح چانکیہ پوری علاقے میں پولینڈ سفارت خانے کے قریب ان کی سونے کی چین چھین لی گئی۔ اس دوران خود کوبچانے کی کوشش میں ان کوکچھ چوٹیں بھی آئیں۔ آرسدھا نے وزیرداخلہ امت شاہ سے درخواست کی ہے کہ وہ افسران کومجرم کا سراغ لگانے اوراسے گرفتارکرنے کی ہدایت دیں۔
Delhi | Member of Parliament from Mayiladuthurai Lok Sabha constituency in Tamil Nadu, R. Sudha writes to Union Home Minister Amit Shah, stating that her gold chain was snatched and she suffered injuries in th incident this morning near Poland Embassy in Chanakyapuri area. She… pic.twitter.com/YLWGZ2vqad
— ANI (@ANI) August 4, 2025
عام آدمی پارٹی نے سیکورٹی پر اٹھایا سوال
اس واقعہ پرعام آدمی پارٹی کے لیڈروں نے دہلی کی سیکورٹی سے متعلق دہلی کی ریکھا گپتا حکومت پرسوال اٹھانا شروع کر دیئے ہیں۔ سوربھ بھاردواج نے سوشل میڈیا پلیٹ فارم ایکس پرپوسٹ کیا اورلکھا کہ تمل ناڈوکی رکن پارلیمٹ ایم سدھا سے دہلی میں صبح 6 بجے صبح کی سیر(مارننگ واک) کے دوران ان کی زنجیرچھین لی گئی، جس کے بعد بدمعاش فرار ہوگئے۔
सांसद की चेन झपटी
दिल्ली में तमिलनाडु की सांसद एम सुधा से झपटमारी हुई यानी महिला सांसद के साथ सुबह 6 बजे मॉर्निंग वॉक के दौरान चेन स्नेचिंग की वारदात हुई है ।
बताया जा रहा है बाइक सवार बदमाशों ने सोने की चेन खींची और फरार हो गए।
हालाकि दिल्ली में ये कोई नई बात नहीं है ।…
— Saurabh Bharadwaj (@Saurabh_MLAgk) August 4, 2025
انہوں نے مزید لکھا کہ دہلی میں اس طرح کے حادثات کا ہونا کوئی پہلی بارنہیں ہے۔ چین، موبائل، اسنیچنگ دہلی میں عام ہوگیا ہے۔ لوگ اب ایف آئی آرتک پولیس میں درج کرانے نہیں جاتے ہیں۔ ان کومعلوم ہے کہ اس سے کچھ نہیں ہوگا۔ دہلی پولیس میں ہزاروں خالی پڑے عہدوں پر حکومت بھرتیاں نہیں کرنا چاہتی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
