بھارت کے سابق کرکٹرز سریش رینا اور شیکھر دھون کے خلاف انفورسمنٹ ڈائریکٹوریٹ (ای ڈی) نے بڑی کارروائی کی ہے۔ ای ڈی کے مطابق ضبط کی گئی جائیداد میں سریش رینا کے 6 کروڑ 64 لاکھ روپے کے میوچول فنڈز اور شیکھر دھون کی 4 کروڑ 50 لاکھ روپے کی جائیداد شامل ہے۔ ای ڈی کی تحقیقات میں معلوم ہوا کہ دونوں کھلاڑیوں نے ون ایکس بیٹ کے غیر قانونی ہونے کی معلومات ہونے کے باوجود اس کے نمائندوں کی حمایت کی تھی۔
تقریباً 1000 کروڑ روپے کی منی لانڈرنگ کے ایک بڑے معاملے کا انکشاف
اسی کے ساتھ ایجنسی نے تقریباً 1000 کروڑ روپے کی منی لانڈرنگ کے ایک بڑے معاملے کا انکشاف کیا ہے۔ اس معاملے میں 6 ہزار سے زیادہ میوچول اکاؤنٹس اور متعدد غیر تصدیق شدہ پیمنٹ گیٹ ویز شامل پائے گئے۔ ای ڈی اب تک 4 کروڑ روپے سے زیادہ کی رقم اور 60 بینک اکاؤنٹس منجمد کر چکی ہے۔ فی الحال مزید تفتیش جاری ہے۔
جان بوجھ کر ون ایکس بیٹ سے متعلق پروموشن کیے گئے
ای ڈی کے مطابق دونوں کھلاڑیوں نے ون ایکس بیٹ اور اس کے سرپرست برانڈز کا جان بوجھ کر پروموشن کیا، جس سے بھارت میں غیر قانونی سٹے بازی کو فروغ ملا۔ کھلاڑیوں نے غیر ملکی کمپنیوں کے ساتھ پروموشن کے معاہدے کیے اور ان کی ادائیگی غیر ملکی ذرائع کے ذریعے تہہ در تہہ لین دین کے طریقوں سے حاصل کی گئی۔ اس طرح غیر قانونی فنڈز کی اصل شناخت چھپائی گئی۔قابل ذکر ہے کہ اس پوری تحقیقات میں ملک کی مختلف ریاستوں کی پولیس نے ایف آئی آر درج کی تھی۔ ایف آئی آر میں کمپنیوں پر دھوکہ دہی، آن لائن سٹے بازی اور غیر قانونی مالی لین دین کے الزامات عائد کیے گئے تھے۔ انہی کی بنیاد پر ای ڈی نے منی لانڈرنگ کا مقدمہ درج کرتے ہوئے تحقیقات شروع کی، جس میں غیر ملکی اکاؤنٹس اور حوالہ نیٹ ورک سے متعلق دستاویزات بھی برآمد ہوئے۔ون ایکس بیٹ نے اسپورٹس پروموشن کنٹریکٹس کے ذریعے بھارت میں کھیل کے شائقین تک رسائی حاصل کی۔ اپنی ایپ کے پروموشن کے لیے اس نے سیلیبریٹیز اور انفلوئنسرز کو پیسہ دے کر تشہیر کروائی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
