وزیر اعظم مودی کا دہلی یونیورسٹی میں خطاب
PM Modi’s speech at DU centenary celebrations: وزیر اعظم نریندر مودی دہلی یونیورسٹی کی صد سالہ تقریبات کے اختتامی اجلاس سے خطاب کیا۔ پی ایم مودی نے اس دوران کہا، جب مجھے دعوت نامہ ملا تھا، میں نے فیصلہ کیا تھا کہ مجھے آنا ہے۔ مجھے خوشی ہے کہ مجھے اس ماحول میں آنے کا موقع ملا، آج میں میٹرو سے نوجوان دوستوں سے بات چیت کرتے ہوئے آیا ہوں۔
دہلی یونیورسٹی کے 100 سال مکمل ہونے پر وزیر اعظم نریندر مودی نے کہا کہ کوئی بھی ملک ہو، اس کی یونیورسٹیاں اور تعلیمی ادارے اس کی کامیابیوں کی حقیقی علامت ہیں۔ دہلی یونیورسٹی صرف ایک یونیورسٹی نہیں بلکہ ایک تحریک ہے۔ اس یونیورسٹی نے ہر تحریک کو نئی تازگی بخشی ہے، اس یونیورسٹی نے ہرتحریک نئی زندگی دی ہے۔
ہندوستان کو 2047 تک ترقی یافتہ ملک بنا ناہمارا عزم
تقریب میں موجود یونیوسرسٹی کے اساتذہ سے خطاب کرتے ہوئے وزیر اعظم نریندر مودی نے 2047 تک ہندوستان کو ایک ترقی یافتہ ملک بنانے کے عزم کا اعادہ کیا۔ وزیر اعظم مودی نے کہا، جب میں ماضی میں امریکہ کے دورے پر گیا تھا، اس دوران مجھے احساس ہوا کہ دنیا میں ہمارے ملک کی عزت میں تیزی سے اضافہ ہوا ہے۔ آج ہندوستان دنیا کی پانچویں بڑی معیشت ہے۔ ملک کا صنفی تناسب بہتر ہوا ہے اور بھارت کی ڈرون پالیسی میں بھی بڑی تبدیلی کی گئی ہے۔
وزیر اعظم نے اپنے خطاب میں مزید کہا کہ پچھلی صدی کی تیسری دہائی نے جدوجہد آزادی کو نئی رفتار دی تھی، اب اس صدی کی یہ تیسری دہائی ہندوستان کی ترقی کے سفر کو ایک نئی رفتار دے گی۔ آج ملک بھر میں بڑی تعداد میں یونیورسٹیاں اور کالجز قائم ہو رہے ہیں،نئے تعلیمی اور تحقیقاتی ادارے قائم ہورہے ہیں۔ ہمارے تعلیمی ادارے دنیا میں منفرد اور ممتاز پہچان بنا رہے ہیں۔ وزیر اعظم نریندر مودی نے مزید کہا کہ ایک وقت تھا جب طلباء کسی بھی ادارے میں داخلہ لینے سے پہلے صرف پلیسمنٹ کو ترجیح دیتے تھے۔ لیکن آج کے ہندوستان کے نوجوان زندگی کو اس سے باندھنا نہیں چاہتا، وہ کچھ نیا کرنا چاہتا ہے۔ اپنی لکیر کھینچنا چاہتا ہے۔
بھارت ایکسپریس۔
