دہلی-این سی آر میں گزشتہ روز دن بھر تیز دھوپ نے لوگوں کو کچھ پریشان کیا، تاہم آئندہ 2 سے 3 دنوں تک آسمان پر بادل چھائے رہنے کا امکان ہے۔ بھارتی محکمہ موسمیات (آئی ایم ڈی) کے مطابق 17 ستمبر تک بہت ہلکی سے ہلکی بارش یا بونداباندی کے امکانات ہیں، لیکن اس کے بعد موسم بتدریج خشک رہنے کی توقع ہے۔ 18 سے 21 ستمبر کے درمیان بارش کا کوئی امکان ظاہر نہیں کیا گیا ہے۔
دہلی کے کئی علاقوں میں ہوئی بونداباندی
آئی ایم ڈی کے مطابق منگل (15 ستمبر) کو دہلی کے کچھ علاقوں میں بونداباندی ہوئی۔ اس دوران دارالحکومت کا زیادہ سے زیادہ درجہ حرارت 35.1 ڈگری سیلسیس ریکارڈ کیا گیا، جو معمول سے 1.8 ڈگری زیادہ رہا۔ وہیں کم سے کم درجہ حرارت 27.2 ڈگری سیلسیس درج کیا گیا۔دہلی میں سب سے کم زیادہ سے زیادہ درجہ حرارت مایور وہار میں 32.7 ڈگری سیلسیس رہا۔ نوئیڈا میں زیادہ سے زیادہ درجہ حرارت 35.0 ڈگری، جبکہ غازی آباد میں 35.9 ڈگری سیلسیس ریکارڈ کیا گیا۔
آج دہلی کا موسم کیسا رہے گا؟
محکمہ موسمیات کے مطابق آج بدھ (16 ستمبر) کو دہلی میں عام طور پر آسمان پر بادل چھائے رہیں گے۔ دوپہر سے شام کے درمیان کچھ علاقوں میں بہت ہلکی بارش یا بونداباندی ہونے کا امکان ہےاس دوران شہر میں زیادہ سے زیادہ درجہ حرارت 32 سے 34 ڈگری سیلسیس، جبکہ کم سے کم درجہ حرارت 23 سے 25 ڈگری سیلسیس کے درمیان رہنے کا امکان ہے۔ دن کے وقت مشرقی ہوائیں 10 سے 15 کلومیٹر فی گھنٹہ کی رفتار سے چل سکتی ہیں۔ آئی ایم ڈی کا اندازہ ہے کہ آئندہ 7 دنوں کے دوران زیادہ سے زیادہ درجہ حرارت میں کوئی خاص تبدیلی نہیں آئے گی۔
گزشتہ 24 گھنٹوں میں درجہ حرارت میں بڑا بدلاؤ نہیں
آئی ایم ڈی کے مطابق گزشتہ 24 گھنٹوں کے دوران دہلی میں کم سے کم اور زیادہ سے زیادہ درجہ حرارت میں کوئی بڑا بدلاؤ دیکھنے کو نہیں ملا۔ اس دوران دارالحکومت میں کم سے کم درجہ حرارت 23 سے 27 ڈگری سیلسیس اور زیادہ سے زیادہ درجہ حرارت 33 سے 35 ڈگری سیلسیس کے درمیان رہا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
