وزیر اعظم نریندر مودی کے ’’میڈ اِن انڈیا‘‘ ہتھیاروں کے ذکر پر میجر جنرل (ریٹائرڈ) ڈاکٹر جے کے بنسل نے کہا کہ ہندوستان اب خود انحصار ہو گیا ہے۔ بھارتی ساختہ براہموس میزائل نے آپریشن سندور میں کامیاب مظاہرہ کیا اور بھارتی فوج نے پاکستان کے خلاف آپریشن سندور میں دیسی ساختہ ہتھیاروں کا استعمال کیا ہے۔
میجر جنرل (ریٹائرڈ) ڈاکٹر جے کے بنسل نے کہا کہ ہماری فوج نے پاکستان میں دہشت گردوں کے ٹھکانوں کو تباہ کر دیا ہے۔ اور اب بہت سے ممالک ایسے ہیں جو ’’آتم نربھر بھارت‘‘ کے تحت بنائے گئے ہتھیار خریدنا چاہتے ہیں۔ انھوں نے مزید کہا کہ ’’آپریشن سندور‘‘ کے ذریعے ہندوستان نے پوری دنیا کو اپنی صلاحیتیں دکھا دی ہیں۔ ہماری فوج نے پاکستان کو اپنے دفاعی نظام کی حقیقت سے بھی آگاہ کر دیا ہے۔
میڈ اِن انڈیا ہتھیاروں نے دکھائی اپنی صلاحیت
ہندوستانی فوج کو پہلگام میں دہشت گردانہ حملے کا منہ توڑ جواب دینے پر مبارکباد یتے ہوئے جے کے بنسل نے کہا کہ ’’آپریشن سندور‘‘ کے ذریعے پہلے تو ہم نے دہشت گردوں کے 9 ٹھکانوں کو نشانہ بنایا اور تباہ کیا۔ اس کے بعد ہم نے پاکستانی فوج کے اہم مقامات پر حملہ بھی کیا۔ انھوں نے مزید کہا ’’ہمارے ملک میں بنائے گئے براہموس میزائل نے ’آپریشن سندور‘ کو کامیابی سے ہمکنار کیا ہے۔ براہموس میزائل نے دہشت گردوں کے ٹھکانوں کو تباہ کرنے کا کام کیا ہے۔ یہ ہمارے لیے فخر کی بات ہے۔ ہمارے ڈرونز اور میزائلوں نے پاکستان میں دہشت گردوں کے ٹھکانوں کو مکمل طور پر تباہ کر دیا۔‘‘ جے کے بنسل میں اس آپریشن میں ’’میڈ اِن انڈیا‘‘ ہتھیاروں کے استعمال پر بھی روشنی ڈالی۔
واضح رہے کہ ہندوستانی فوج نے آپریشن سندور میں براہموس میزائل، آکاش میزائل اور MRSAM (Barak-8) کا استعمال کیا ہے۔ ان میں سب سے اہم براہموس میزائل ہے، جو ایک سپرسونک کروز میزائل ہے۔ یہ 3700 کلومیٹر فی گھنٹہ کی رفتار سے ہدف کو نشانہ بنا سکتا ہے۔ اس کی رینج تقریباً 800 کلومیٹر ہے۔ یہ 200 سے 300 کلو گرام وار ہیڈز لے جانے کی صلاحیت رکھتا ہے۔ اسے زمین، سمندر اور ہوا سے لانچ کیا جا سکتا ہے۔ یہ دشمن کے ریڈار سے بچنے کے لیے انتہائی کم اونچائی پر پرواز کرنے کی صلاحیت بھی رکھتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
