سیوہاروری تنظیم کی جانب سے حجاج کرام کے درمیان تحائف تقسیم
رواں برس گرمی کی شدت،دھوپ کی تمازت اور موسم کی سختی کے باوجود اقطاء عالم سے کثیرتعداد میں مسلمانوں نے ارکان اسلام کے پانچ بنیا دی ارکان میں سے ایک حج کا فریضہ انجام دیا۔ ارکان اسلام کی اگر بات کی جائے تو حج ایک ایسا رکن ہے جسمیں مالی اورجسمانی عبادات دونوں ہی شامل ہیں۔ یعنی اگر آپ صاحب استطاعت ہیں تو ہی آپ پر حج فرض ہے، اس لحاظ سے مالی عبادت ہے،اگر ہم جسمانی عبادت کی کریں تو مزدلفہ، صفا مروہ کا چکر لگانا سمیت دیگر کئی ایسے ارکان ہیں جس میں جسمانی طاقت خاص اہمیت رکھتی ہے ۔
حج 2024 کئی معنوں میں غیرمعمولی رہا۔ گرمی کی شدت کے سبب کئی حاجیوں نے اپنی جان جانِ آفریں کے حوالے کردی،تو وہیں متعدد معمرحاجیوں کی طبعیت بھی بگڑ گئی،سعودی عرب میں گرمی بہت سخت پڑتی ہے ،رواں برس موسم گرما میں حجاج نے فریضہ حج انجام دیا۔
ضیوف رحمان کی خدمت کرنا یہ ہرکسی کی خواہش ہوتی ہے،کیونکہ حجاج کی خدمت کر کے ان کی دعاؤں کا حصہ بننا یہ ہر مسلمان کی چاہت ہوتی ہے۔’ سیوہاروی ویلفیئرآرگنائیزیشن’ کی جانب سے رواں برس حجاج کرام کی خدمت میں تحائف پیش کئے گئے۔ مذکورہ تنظیم کے سربراہ حاجی محمد ایوب نے حجاج کرام کی خدمت کی اور ان کے درمیان تحائف تقسیم کئے۔
دنیا کے مختلف براعظم سے آئے حجاج کرام کی خدمات میں حاجی محمد ایوب اور ان کی تنظیم ’سیوہاروی ویلفیئرآرگنایئزیشن’ کے ارکان نے بہت منظم اور باوقاراندازمیں ایک لاکھ تراسی ہزارچارسو پینسنٹھ تحائف حجاج کرام کے درمیان تقسیم کر کے ان کی دعاؤں میں شامل ہوئے۔
مذکورہ تنظیم کی جانب سے مجموعی طورپر تحائف کا 15 فیصد تحفہ ہندوستان کے حجاج کو ،10 فیصد پاکستان کے حجاج کو ،10 فیصد تحفہ بنگلہ دیش کے حجاج کو،20 فیصد تحفہ افریقہ کے حجاج کو ،15 فیصد تحفہ یورپ کے حجاج کو ،5فیصد آسٹریلیا کے حجاج کو،5 فیصد امریکہ کے حجاج کو اور بقیہ 30 فیصد تحائف عرب ممالک کے حجاج کے درمیان تقسیم کئے گئے۔
رواں برس حج کے ایام میں گرمی شدت اور موسم کی سختی کے باوجود مذکورہ تنظیم کے سربراہ اور ارکان کی جانب سے باوقار اورمنظم اندار میں حجاج کے درمیان تحائف تقسیم کئے گئے۔اور حجاج کرام کی خدمت کر کے ان کے دعاؤں کا حصہ بنے۔
بھارت ایکسپریس۔
