وزیرِ اعظم نریندر مودی۔
بیگوسرائے: وزیرِ اعظم نریندر مودی جمعہ کے روز بہار اسمبلی انتخابات کی انتخابی مہم میں اترے اور عوامی جلسوں سے خطاب کیا۔ انہوں نے بیگوسرائے میں منعقد ایک ریلی سے خطاب کرتے ہوئے کہا کہ این ڈی اے حکومت کے لیے ترقی سب سے بڑی ترجیح ہے۔ جب صنعتی ترقی ہوگی تو روزگار بھی پیدا ہوں گے۔ آر جے ڈی پر حملہ کرتے ہوئے انہوں نے کہا کہ ’جنگل راج‘ کے دور میں فیکٹریاں بند کر دی گئی تھیں اور بیگوسرائے و برونی کو پیچھے دھکیل دیا گیا تھا، مگر آج بیگوسرائے ایک صنعتی مرکز بننے جا رہا ہے۔
وزیر اعظم نے کہا کہ این ڈی اے حکومت نے جنگل راج کو ’سُشاسن‘ (اچھے طرزِ حکمرانی) میں بدلا، اور اب سُشاسن کو خوشحالی میں بدلنے کا وقت ہے۔ بیگوسرائے میں بڑے بڑے شوروم کھل رہے ہیں۔ برونی ریفائنری میں ہزاروں کروڑ کا سرمایہ کاری کی گئی ہے اور یہاں اب پیٹروکیمیکل پلانٹ تیار ہو رہا ہے، جس سے چھوٹے صنعتیں قائم ہوں گی۔
انہوں نے کہا کہ برونی کا کھاد کارخانہ جنگل راج کے دور میں بند ہو گیا تھا۔ اس کے لیے گیس کی ضرورت تھی، لیکن گیس بہار میں موجود نہیں تھی۔ ہم نے گیس لانے کا منصوبہ بنایا، مغربی بنگال سے بہار تک پائپ لائن بچھائی تاکہ نوجوانوں کو روزگار اور کسانوں کو کھاد دستیاب ہو سکے۔
پی ایم مودی نے گرینڈ الائنس کو ’لٹھ بندھن‘ قرار دیتے ہوئے کہا کہ عظیم اتحاد میں شامل لوگ ایک دوسرے کی کھال کھینچ رہے ہیں۔ اس میں جھٹک دل ہے، لٹک دل ہے، پٹک دل ہے اور بھٹک دل ہے۔ یہ لوگ کیمرے کے سامنے آ کر بھلے کچھ بھی بول لیں۔
آر جے ڈی پر حملہ کرتے ہوئے وزیر اعظم نے کہا کہ ان لوگوں نے جھارکھنڈ مکتی مورچہ (جے ایم ایم) کو پٹک دیا، لیفٹ پارٹیوں کو لٹکا دیا۔ آر جے ڈی کو بہار کا سب سے بدعنوان خاندان قرار دیتے ہوئے کہا کہ یہ عدالت سے ضمانت پر باہر ہیں۔ کانگریس کی حالت بھی یہی ہے۔ بہار کے عوام ایسے لوگوں پر بھروسہ نہیں کرتے ہیں۔
کانگریس پر شدید حملہ کرتے ہوئے وزیر اعظم نے کہا کہ آج کانگریس بہار میں آر جے ڈی کی پچھ لگو بن چکی ہے۔ انہوں نے بیگوسرائے میں عوام سے موبائل فون کی لائٹ جلانے کو کہا اور کہا، ’جب روشنی ہے تو لالٹین کی کیا ضرورت؟‘
وزیر اعظم مودی نے اپوزیشن پر نشانہ لگاتے ہوئے کہا کہ لالو راج کے دوران بہار میں جنگل راج تھا، لوگ شام کو گھروں سے باہر نکلنے سے ڈرتے تھے۔ لیکن جب 2005 میں این ڈی اے حکومت بنی، تو بہار میں سُشاسن کی حکومت آئی۔ آج بہار ہر میدان میں ترقی کر رہا ہے۔ انہوں نے نکسل پسندی کے خاتمے کا بھی ذکر کیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
