دہلی-این سی آر میں سردی کی لہر۔
نئی دہلی: محکمہ موسمیات کے مطابق ہفتہ کے روز دہلی میں کم سے کم درجہ حرارت 7 ڈگری اور زیادہ سے زیادہ درجہ حرارت 19 ڈگری سیلسیس رہنے کا امکان ہے۔ صبح کے وقت بیشتر علاقوں میں دھند چھائی رہی۔ دہلی میں سخت سردی کے درمیان آج بھی سردی کی لہر برقرار ہے۔ محکمہ موسمیات کے مطابق آئندہ چند دنوں تک دہلی میں ایسی ہی سردی کی لہر دیکھی جا سکتی ہے۔
ملک کی راجدھانی دہلی میں موسم میں اتار چڑھاؤ جاری ہے۔ برفیلی ہواؤں کے باعث درجہ حرارت مزید گر گیا ہے اور لوگ کپکپانے پر مجبور ہیں، اور ابھی درجہ حرارت مزید گرنے کا امکان ہے۔ محکمہ موسمیات نے ہفتہ کے روز دھند کے لیے یلو الرٹ جاری کر دیا ہے۔ آئی ایم ڈی نے قومی دارالحکومت میں 22 اور 23 جنوری کو بارش کی پیش گوئی کی ہے۔
اگلے کچھ دن کیسا رہے گا موسم کا حال
محکمہ موسمیات نے کہا کہ دہلی میں 19، 20 اور 21 جنوری کو دھند چھائی رہے گی۔ اس دوران کم سے کم درجہ حرارت 7 ڈگری سیلسیس اور زیادہ سے زیادہ درجہ حرارت 21 ڈگری رہنے کی توقع ہے۔ محکمہ موسمیات نے 22 اور 23 جنوری کو بارش کی پیش گوئی کی ہے۔ اس دوران بجلی چمکنے کے ساتھ ساتھ بارش ہو سکتی ہے جس سے سردی کا احساس مزید بڑھ سکتا ہے۔ دہلی کا موسم ہر روز نئے موڑ لے رہا ہے۔ محکمہ موسمیات کا کہنا ہے کہ دارالحکومت میں جنوری میں مزید بارشیں ہونا باقی ہیں۔ بارش سے پہلے دھند کی گھنی چادر چھائی رہے گی۔ جس کی وجہ سے لوگوں کو پریشانی کا سامنا کرنا پڑ سکتا ہے۔
دہلی میں دھند کی وجہ سے پروازوں میں تاخیر
قومی دارالحکومت میں دھند کی وجہ سے آئی جی آئی ہوائی اڈے پر کچھ پروازیں تاخیر کا شکار ہو گئیں ہیں۔ جس کی وجہ سے لوگ سفر میں شدید مشکلات کا سامنا کر رہے ہیں۔
دہلی والوں کو Grap-3 سے راحت ملی
مرکزی آلودگی کنٹرول بورڈ کے مطابق، جمعہ کو دہلی میں ہوا کے معیار کا انڈیکس 294 ریکارڈ کیا گیا، جو کہ انتہائی ’خراب‘ زمرے میں ہے۔ دہلی این سی آر میں آلودگی کی سطح میں کمی کے درمیان، سینٹرل ایئر کوالٹی مینجمنٹ کمیشن نے GRAP-3 کے تحت لگائی گئی پابندیوں کو واپس لے لیاہے۔
اس ہفتے کے شروع میں، کمزور ہواؤں، کم درجہ حرارت اور دھند نے خطے میں آلودگی کو بڑھا دیا تھا، جس کے بعد کمیشن فار ایئر کوالٹی مینجمنٹ (سی اے کیو ایم) نے گریڈڈ رسپانس ایکشن پلان (GRAP) کے تیسرے اور چوتھے مراحل کے تحت سخت پابندیاں عائد کی تھیں۔
صفر سے 50 کے درمیان ایئر کوالٹی انڈیکس (AQI) کو اچھا، 51 سے 100 کے درمیان تسلی بخش، 101 سے 200 کے درمیان میڈیم، 201 سے 300 کے درمیان خراب، 301 سے 400 کے درمیان انتہائی خراب اور AQI 401 سے 500 کے درمیان اسے خطرناک سمجھا جاتا ہے۔
بھارت ایکسپریس۔
