دہرہ دون سے دہلی تک پہلی وندے بھارت ایکسپریس کی شروعات۔ اے این آئی
دہلی: وزیر اعظم نریندر مودی ویڈیو کانفرنسنگ کے ذریعے دہرہ دون سے دہلی کے درمیان چلنے والی پہلی وندے بھارت ایکسپریس ٹرین کے افتتاحی پروگرام میں شرکت کی۔ اس دوران انہوں نے دہلی تک چلے والی پہلی وندے بھارت ایکسپریس کو ہری جھنڈی دکھا کر روانہ کیا۔
افتتاحی پروگرام کے دوران پی ایم مودی نے کہا کہ دہلی اور دہرادون کے درمیان چلنے والی یہ وندے بھارت ایکسپریس ٹرین ملک کی راجدھانی کو تیز رفتاری سے جوڑے گی۔ اس ٹرین سے دہلی اور دہرادون کے درمیان سفر کا وقت کافی کم ہو جائے گا۔ انہوں نے کہا کہ ٹرین میں موجود سہولیات اس سفر کو پرلطف بنانے والی ہیں۔
پی ایم مودی نے اپنے بیرون ملک کے دورے کا ذکر کرتے ہوئے کہا کہ ابھی چند گھنٹے پہلے میں تین ممالک کا دورہ کرکے آیا ہوں، آج پوری دنیا ہندوستان کی طرف امید سے دیکھ رہی ہے۔ جس طرح سے ہم نے اپنی معیشت کو مضبوط کیا ہے، جس طرح سے ہم غربت سے لڑ رہے ہیں اس سے پوری دنیا کا اعتماد بڑھا ہے۔
#WATCH प्रधानमंत्री नरेन्द्र मोदी ने आज वीडियो कॉन्फ्रेंसिंग के माध्यम से देहरादून से दिल्ली के लिए पहली वंदे भारत एक्सप्रेस को हरी झंडी दिखाकर रवाना किया। pic.twitter.com/Q84LUC5pWk
— ANI_HindiNews (@AHindinews) May 25, 2023
پی ایم نریندر مودی نے کہا کہ مجھے یقین ہے کہ یہ دیو بھومی آنے والے وقت میں پوری دنیا کے روحانی شعور کے لیے کشش کا مرکز بنے گی۔ ہمیں انہوں نے مزید کہا کہ اس صلاحیت کے مطابق اتراکھنڈ کو بھی ترقی دینا ہے۔ انہوں نے کہا کہ اتراکھنڈ جس طرح سے امن و امان کو سب سے اوپر رکھتے ہوئے ترقی کی مہم کو آگے بڑھا رہا ہے وہ قابل ستائش ہے۔ وزیر اعظم نریندر مودی نے کہا کہ 2014 سے پہلے 5 سالوں میں اتراکھنڈ کو ریل بجٹ میں اوسطاً 200 کروڑ روپے سے کم ملا، اس سال اتراکھنڈ کا ریل بجٹ 5000 کروڑ روپے ہے۔
اس سے قبل وزیراعظم نریندر مودی تین ممالک کے اہم دورے کے بعد جمعرات (25 مئی) کی صبح واپس ہندوستان لوٹ آئے ہیں۔ دہلی کے پالم ایئرپورٹ پر بی جے پی کارکنان سمیت پارٹی صدر جے پی نڈا، مرکزی وزراء اوراراکین پارلیمنٹ نے وزیراعظم نریندرمودی کا پورے جوش کے ساتھ استقبال کیا۔ جاپان، آسٹریلیا اورپاپوا نیوگنی کے اہم دوروں پر تقریباً 50 سے زیادہ پروگراموں کے بعد ہندوستان لوٹے وزیراعظم مودی آرام نہیں کرنے والے ہیں۔
بھارت ایکسپریس۔
