26 جنوری کا دن ہر ہندوستانی کے لیے فخر اور جوش و جذبے سے بھرپور ہوتا ہے۔ اس سال بھی یومِ جمہوریہ کے پیش نظر تیاریاں زوروں پر ہیں۔ ہر طرف ترنگا لہرانے کے لیے تیار ہے اور فضا میں حب الوطنی کے نغموں کی گونج سنائی دینے لگی ہے۔ اگر آپ بھی اس سال دہلی کے کرتویہ پتھ پر ہونے والی شاندار پریڈ اور جھانکیوں کا دیدار کرنے کا ارادہ رکھتے ہیں تو آپ کے لیے ایک بہت اچھی خبر ہے۔ دہلی میٹرو (ڈی ایم آر سی) نے آپ کی راہ آسان بنانے کے لیے کمر کس لی ہے۔ ایسے مواقع پر سب سے بڑی فکر یہ ہوتی ہے کہ علی الصبح پروگرام کی جگہ وقت پر کیسے پہنچا جائے۔ ٹریفک اور سخت سکیورٹی کے درمیان اپنی گاڑی لے جانا بھی کسی چیلنج سے کم نہیں ہوتا ہے۔ اسی مسئلے کا حل نکالتے ہوئے دہلی میٹرو نے اپنی ٹائمنگ میں بڑا فیصلہ کیا ہے۔
3 بجے سے شروع ہوگی دہلی میٹرو
یومِ جمہوریہ یعنی پیر، 26 جنوری 2026 کو دہلی میٹرو کی خدمات تمام لائنوں پر صبح 3:00 بجے سے ہی شروع ہو جائیں گی۔ عام دنوں میں میٹرو اتنی جلدی نہیں چلتی، لیکن پریڈ دیکھنے آنے والی بھیڑ اور عوامی جوش و خروش کو مدنظر رکھتے ہوئے یہ فیصلہ کیا گیا ہے۔ اس سے خاص طور پر ان لوگوں کو فائدہ ہوگا جو دہلی-این سی آر کے دور دراز علاقوں سے کرتویہ پتھ پہنچنے کی منصوبہ بندی کر رہے ہیں۔
میٹرو کا شیڈول کیا رہے گا؟
میٹرو انتظامیہ نے مسافروں کی سہولت کے لیے کچھ خاص انتظامات کیے ہیں:
صبح 3:00 سے 6:00 بجے تک: ٹرینیں ہر 15 منٹ کے وقفے پر چلیں گی، یعنی آپ کو پلیٹ فارم پر زیادہ دیر انتظار نہیں کرنا پڑے گا۔
صبح 6:00 بجے کے بعد: میٹرو اپنی معمول کے ٹائم ٹیبل (ریگولر شیڈول) کے مطابق چلتی رہے گی، جیسے روزانہ چلتی ہے۔
ڈی ایم آر سی نے مسافروں سے اپیل کی ہے کہ وہ اپنی سفر کی منصوبہ بندی تھوڑا پہلے سے کر لیں تاکہ آخری وقت میں کسی قسم کی افرا تفری نہ ہو۔ ابتدائی گھنٹوں میں میٹرو پکڑنا آپ کے لیے زیادہ آرام دہ ہوگا۔
پارکنگ کی بھی فکر ختم
اکثر بڑے پروگراموں کے دن سکیورٹی وجوہات کی بنا پر میٹرو اسٹیشنوں پر پارکنگ بند کر دی جاتی ہے، جس سے لوگ پریشان ہو جاتے ہیں۔ لیکن اس بار ایسا نہیں ہے۔ یومِ جمہوریہ کے موقع پر میٹرو نیٹ ورک کے تمام اسٹیشنوں پر پارکنگ کی سہولت مکمل طور پر کھلی رہے گی۔ آپ بلا جھجک اپنی گاڑی اسٹیشن پر پارک کر کے میٹرو کے ذریعے پریڈ دیکھنے جا سکتے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
