لوک سبھا میں اپوزیشن لیڈر راہل گاندھی۔ (فائل فوٹو)
پٹنہ: بہار میں بڑھتے جرائم پر اپوزیشن رہنما راہل گاندھی نے گہری تشویش کا اظہار کرتے ہوئے ریاست کی موجودہ حکومت کو شدید تنقید کا نشانہ بنایا ہے۔ انہوں نے کہا کہ بہار کرائم کیپیٹل آف انڈیا بن چکا ہے، ہر گلی میں خوف ہے، ہر گھر میں بے چینی ہے۔ راہل گاندھی نے سوشل میڈیا پلیٹ فارم ‘ایکس’ پر دو اہم خبروں کے تراشے شیئر کرتے ہوئے بہار میں قتل و غارت گری، لوٹ، اور کانٹریکٹ کلنگ جیسے جرائم کے بڑھتے ہوئے رجحان کو موضوع بنایا۔ ان خبروں کے مطابق، صرف 11 دنوں میں 31 قتل کے واقعات سامنے آئے ہیں اور ریاست میں ‘کانٹریکٹ کلنگ انڈسٹری’ ابھرتی جا رہی ہے جہاں بے روزگار نوجوانوں کو کرائے کے قاتل بنایا جا رہا ہے۔
بی جے پی حکومت صرف کرسی بچانے میں مصروف
راہل گاندھی نے الزام لگایا کہ بے روزگار نوجوانوں کو گینگسٹر اپنی ہٹ لسٹ کا حصہ بنا رہے ہیں اور ریاستی حکومت خاموش تماشائی بنی ہوئی ہے۔ ان کا کہنا تھا کہ بے روزگار نوجوانوں کو قاتل بنا رہا ہے غنڈہ راج، وزیراعلیٰ کرسی بچا رہے ہیں، جبکہ بی جے پی کے وزراء کمیشن کما رہے ہیں۔
बिहार बना ‘क्राइम कैपिटल ऑफ इंडिया’ – हर गली में डर, हर घर में बेचैनी!
बेरोज़गार युवाओं को हत्यारा बना रहा है गुNDA राज।
CM कुर्सी बचा रहे हैं, BJP मंत्री कमीशन कमा रहे हैं।
मैं फिर दोहरा रहा हूं – इस बार वोट सिर्फ सरकार बदलने का नहीं, बिहार को बचाने का है। pic.twitter.com/NprZACShiy
— Rahul Gandhi (@RahulGandhi) July 14, 2025
اس بار ووٹ صرف حکومت بدلنے کا نہیں، بہار کو بچانے کا ہے
راہل گاندھی نے بہار کی عوام سے اپیل کرتے ہوئے کہا: میں پھر دہرا رہا ہوں، اس بار ووٹ صرف حکومت بدلنے کا نہیں، بہار کو بچانے کا ہے۔ انہوں نے اشارہ دیا کہ موجودہ حکومت کی بدانتظامی، بے قابو جرائم اور نوجوانوں کی بربادی کو دیکھتے ہوئے عوام کو سنجیدہ فیصلے لینے ہوں گے۔
ماہرین کے مطابق، بہار میں جاری جرائم کی لہر آئندہ ریاستی انتخابات میں بڑا مسئلہ بن سکتی ہے۔ راہل گاندھی کا یہ بیان نہ صرف اپوزیشن کو متحرک کر سکتا ہے بلکہ عوامی ناراضگی کو بھی بڑھاوا دے سکتا ہے۔ بہار میں سیاسی درجہ حرارت تیزی سے بڑھ رہا ہے اور راہل گاندھی کا یہ سخت لب و لہجہ اس بات کی طرف اشارہ کرتا ہے کہ کانگریس اور انڈیا بلاک بہار میں ایک جارحانہ مہم چلانے کے موڈ میں ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
