ستیندرجین
دہلی کے سابق وزیر ستیندر جین کو ضمانت مل گئی ہے۔ دہلی کی راؤز ایونیو کورٹ نے منی لانڈرنگ کیس میں انہیں راحت دیتے ہوئے کہا کہ ابھی تک مقدمے کے ختم ہونے کا کوئی امکان نہیں ہے۔ انہیں 50 ہزار روپے کے ذاتی مچلکے پر ضمانت دی گئی ہے۔
ستیندر جین کو مئی 2022 میں انفورسمنٹ ڈائریکٹوریٹ (ای ڈی) نے گرفتار کیا تھا۔ عام آدمی پارٹی لیڈر جین کو گزشتہ سال مئی میں صحت کی بنیاد پر ضمانت دی گئی تھی۔ وہ 10 ماہ تک ضمانت پر تھے ۔ تاہم، اس سال مارچ میں، سپریم کورٹ میں ان کی باقاعدہ ضمانت کی سماعت ہوئی، حالانکہ عدالت نے انہیں خوسپردگی کرنے کی ہدایت دی تھی۔ انہوں نے 18 مارچ کو تہاڑ جیل میں خودسپردگی کی۔
دہلی کے سابق وزیر کو دی گئی ضمانت بھی پارٹی کے لیے راحت کی بات ہے۔ یہ ضمانت ایک ایسے وقت میں دی گئی ہے جب دہلی میں اسمبلی انتخابات کی تیاریاں زوروں پر ہیں۔ صرف ستیندر جین جیل میں تھے۔ ان کے علاوہ عام آدمی پارٹی کے تمام بڑے لیڈر جیل سے باہر آ چکے ہیں۔ دہلی کے سابق وزیر اعلی اروند کیجریوال، سابق نائب وزیر اعلی منیش سسودیا اور ایم پی سنجے سنگھ کو پہلے ہی عدالت سے راحت مل چکی ہے۔
عدالت نے فیصلہ محفوظ کر لیا تھا۔
ای ڈی نے انہیں 30 مئی 2022 کو گرفتار کیا تھا۔ خصوصی جج راکیش سیال نے اس معاملے میں اپنا فیصلہ محفوظ کر لیا تھا۔ ستیندر جین کے وکیل نے عدالت سے کہا تھا کہ انہیں مزید حراست میں رکھنے سے کوئی مقصد پورا نہیں ہوگا۔ ای ڈی نے درخواست کی مخالفت کرتے ہوئے کہا تھا کہ اگر رہا کیا جاتا ہے تو وہ گواہوں کو متاثر کر سکتے ہیں ۔ ای ڈی کا معاملہ سنٹرل بیورو آف انویسٹی گیشن (سی بی آئی) کی طرف سے 2017 میں انسداد بدعنوانی ایکٹ کے تحت جین کے خلاف درج کی گئی ایف آئی آر سے شروع ہوا تھا۔
بھارت ایکسپریس۔
