گوا حکومت کی طویل عرصے سے منتظر ’ماجھے گھر‘ یوجنا کا افتتاح مرکزی وزیر داخلہ امت شاہ 4 اکتوبر کو کریں گے۔ اس یوجنا کے تحت سرکاری زمین پر بسے لوگوں کو ان کے گھروں کا مالکانہ حق دیا جائے گا۔ خاص بات یہ ہے کہ یوجنا میں گھروں کے تعمیر کے سال کی بنیاد پر فیس کا ڈھانچہ طے کیا گیا ہے۔ وزیراعلیٰ پرمود ساونت نے اطلاع دی کہ اس یوجنا کا باضابطہ افتتاح مرکزی وزیر داخلہ امت شاہ 4 اکتوبر کو شام 4 بجے ورچوئل پلیٹ فارم کے ذریعہ کریں گے۔ پروگرام کا انعقاد ڈاکٹر شیاما پرساد مکھرجی اسٹیڈیم میں کیا جائے گا۔
تعمیر کے سال کی بنیاد پر فیس طے
اس دوران دیگر ترقیاتی یوجناؤں کی بھی شروعات کی جائے گی۔ مستفیدین کے لیے ٹرانسپورٹ اور کھانے پینے کی سہولت فراہم کی جائے گی۔ ریاستی کابینہ نے گھروں کی تعمیر کے سال کی بنیاد پر الگ الگ فیس طے کی ہے۔ یہ فیس سرکاری زمین پر بنے گھروں کے لیے لاگو ہوگی۔
1972 سے پہلے بنے گھروں کے مالکان سے صرف 25 روپے فی مربع میٹر کے حساب سے فیس لی جائے گی۔ 1973 سے 1986 کے درمیان بنے گھروں کے مالکان سے کم از کم زمین کی شرح کا 50 فیصد فیس لیا جائے گا۔ 1987 سے 2000 کے درمیان بنے گھروں کے مالکان کو کم از کم زمین کی شرح کا 75 فیصد فیس دینا ہوگا۔ 2001 سے 2014 کے درمیان بنے گھروں کے مالکان سے پوری کم از کم زمین کی شرح وصول کی جائے گی، جو 2014 میں نوٹیفائیڈ شرح کے مطابق ہوگی۔
لوگوں کو ملے گا قانونی حق اور معاشی مضبوطی
ان تمام زمروں میں وہی لوگ شامل ہوں گے جن کے مکان سرکاری زمین پر واقع ہیں۔ یوجنا کا مقصد دہائیوں سے سرکاری زمین پر بسے لوگوں کو مالکانہ حق دینا ہے تاکہ وہ اپنے گھروں کی مرمت کر سکیں، بینک سے قرض لے سکیں اور قانونی طور پر جائیداد ٹرانسفر کر سکیں۔ وزیراعلیٰ ساونت نے بتایا کہ اس پروگرام میں بڑی تعداد میں مستفیدین شامل ہوں گے۔ حکومت نے ان کی سہولت کے لیے ٹرانسپورٹ اور کھانے پینے کا انتظام کیا ہے۔
’ماجھے گھر‘ یوجنا ریاستی حکومت کی ایک اہم پہل ہے جو لوگوں کو نہ صرف قانونی حق دے گی بلکہ سماجی اور معاشی طور پر بھی انہیں مضبوط بنائے گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
