سنٹرل بورڈ آف سیکنڈری ایجوکیشن (سی بی ایس ای) نے 10ویں کے بورڈ امتحانات سال میں دو بار کرانے کا فیصلہ کیا ہے۔ پہلے مرحلے کا امتحان فروری اور دوسرا مرحلہ مئی میں منعقد کیا جائے گا۔ پہلے مرحلے کے نتائج اپریل میں اور دوسرے مرحلے کے نتائج جون میں آئیں گے۔ انٹرنل اسسمنٹ صرف ایک بارکیا جائے گا۔ کلاس-10 کے طلبا کے لئے بورڈ امتحان کے پہلے مرحلے میں شامل ہونا لازمی ہوگا جبکہ دوسرا مرحلہ اختیاری ہوگا۔
سنٹرل بورڈ آف سیکنڈری ایجوکیشن (سی بی ایس ای) نے سال 2026 سے 10ویں جماعت کے بورڈ کے امتحانات سال میں دو بارمنعقد کرنے کے قوانین کو منظوری دے دی ہے۔ امتحانات کے کنٹرولر سنیم بھاردواج نے اس کی تصدیق کی ہے۔ سی بی ایس ای کے نئے قوانین کے مطابق دسویں جماعت کے طلباء کے لیے بورڈ کے پہلے امتحان میں شرکت لازمی ہو گی جبکہ دوسرے امتحان میں شرکت اختیاری ہو گی۔
اس نظام کے پیچھے سی بی ایس ای کا کیا مقصد ہے؟
بورڈ نے واضح کیا ہے کہ انٹرنل اسیسمنٹ صرف ایک بارکیا جائے گا، چاہے طلباء امتحان کے ایک یا دونوں مراحل میں ہی کیوں نہ ہوں۔ اس نظام کے ذریعے سی بی ایس ای کا مقصد طلباء کوبہترمواقع فراہم کرنا ہے۔ تاکہ وہ اپنی تیاری کے مطابق اچھی کارکردگی کا مظاہرہ کرسکیں اور ان کا ذہنی تناؤ بھی کم ہو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
