فائل فوٹو۔
ہندوستانی وزارت خارجہ (MEA) نے بدھ کے روز بتایا کہ برازیل کے صدر لولا دی سلوا نے ہندوستانی وزیر اعظم نریندر مودی کے ساتھ فون کال پر بات کرتے ہوئے دہشت گردی کے خلاف جنگ میں ہندوستان کے لئے اپنے ملک کی مستحکم حمایت کا اعادہ کیا۔ برازیل کے صدر نے پہلگام دہشت گردانہ حملے کے متاثرین کے اہل خانہ سے ہمدردی کا بھی اظہار کرتے ہوئے اس بزدلانہ حملے کی مذمت کی۔
وزارت خارجہ کے ترجمان نے دی اطلاع
مزید برآں انھوں نے آپریشن سندور میں ہندوستان کی کامیابی کی بھی تعریف کی۔ ایم ای اے کے ترجمان رندھیر جیسوال نے سوشل میڈیا پلیٹ فارم ’ایکس‘ پر ایک پوسٹ میں کہا ’’برازیل کے صدر لولا دی سلوا نے وزیر اعظم نریندر مودی کو فون کیا اور ہندوستان کے پہلگام میں دہشت گردانہ حملے میں ہونے والے جانی نقصان پر تعزیت کا اظہار کیا۔‘‘
President Lula de Silva of Brazil @LulaOficial called PM @narendramodi and conveyed condolences at the loss of lives in the terrorist attack in Pahalgam, India. He expressed support and solidarity with 🇮🇳 in its fight against terrorism. PM thanked President Lula for his…
— Randhir Jaiswal (@MEAIndia) May 8, 2025
وزارت خارجہ کے ترجمان نے مزید لکھا ’’انھوں نے دہشت گردی کے خلاف جنگ میں ہندوستان کی حمایت اور اس کے ساتھ اپنی یکجہتی کا اظہار کیا۔ وزیر اعظم نے صدر لولا کی تعزیت کے لیے ان کا شکریہ ادا کیا۔ دونوں رہنماؤں نے ہندوستان-برازیل کے درمیان دوطرفہ اسٹریٹجک شراکت داری کو مضبوط بنانے کے اپنے عزم کا بھی اعادہ کیا۔‘‘
ہندوستان اور پاکستان کے درمیان کشیدگی میں لگاتار ہو رہا ہے اضافہ
واضح رہے کہ ہندوستان اور پاکستان کے درمیان کشیدگی بڑھتی ہی جا رہی ہے۔ وزارت خارجہ اور فوج کی ایک مشترکہ پریس کانفرنس میں کرنل صوفیہ قریشی اور ونگ کمانڈر ویومیکا سنگھ نے کہا کہ بھارت کی طرف سے آپریشن سندور کے ذریعے دہشت گردوں کے ٹھکانوں پر حملے کے جواب میں پاکستان نے 7-8 مئی کی رات کو شمالی اور مغربی ہندوستان میں کچھ فوجی اڈوں پر ڈرون اور میزائلوں سے حملہ کرنے کی کوشش کی۔ ان حملوں کو بھارتی فضائی دفاعی نظام نے ناکام بنایا۔ ہمیں جو ملبہ ملا ہے وہ پاکستانی حملوں کا ثبوت ہے۔ جوابی کارروائی میں ہندوستان نے بھی پاکستان کے کئی مقامات پر ڈرون حملے کیے ہیں اور لاہور کا ایئر ڈیفنس سسٹم ناکارہ کر دیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
