بی جے پی لیڈر روی شنکر پرساد نے ہنڈن برگ رپورٹ سے متعلق کانگریس پر بڑا حملہ بولا ہے۔ (تصویر: اے این آئی)
Hindenburg Report: ہنڈن برگ کی رپورٹ پرملک میں سیاسی ہلچل بڑھی ہوئی ہے۔ اسی درمیان روی شنکرپرساد نے اپوزیشن پرتنقید کی ہے۔ انہوں نے کہا کہ اپوزیشن ہارنے کے بعد ہندوستان کواقتصادی طورپر برباد کرنے کی سازش کررہے ہیں۔
‘یہ بے بنیاد حملہ ہے’
ہنڈن برگ ریسرچ کی حالیہ رپورٹ پربی جے پی رکن پارلیمنٹ روی شنکرپرساد نے کہا، ‘ہندوستان کے لوگوں کے ذریعہ ٹھکرائے جائے کے بعد کانگریس پارٹی، اس کے اتحادیوں اورٹول کٹ گروہ نے مل کرہندوستان میں اقتصادی بدامنی اورعدم استحکام لانے کی سازش کی ہے۔ ہنڈن برگ کی رپورٹ ہفتہ کے روزجاری ہوتی ہے، اتوارکو ہنگامہ شروع ہوتا ہے تاکہ پیرکے روزپورے کیپٹل مارکیٹ کوغیرمستحکم کردیا جائے۔ شیئرکے معاملے میں بھی ہندوستان ایک محفوظ، مستحکم اورامید کی کرن کا بازارہے۔’
#WATCH | On the rape-murder of a PG trainee woman doctor at RG Kar Medical College and Hospital in Kolkata, BJP MP Ravi Shankar Prasad says, “Mamta ji, what is happening in Bengal under your rule? A female doctor was raped, the limit of brutality was crossed and will there be a… pic.twitter.com/fzzaB2J4kX
— ANI (@ANI) August 12, 2024
روی شنکرپرساد نے کہا کہ یہ یقینی بنانا سیبی کی قانونی ذمہ داری ہے کہ بازاربہتر طریقے سے چلے۔ جب سیبی نے جولائی میں اپنی پوری جانچ مکمل کرنے کے بعد جوکہ سپریم کورٹ کی نگرانی میں کی گئی تھی، ہنڈن برگ کے خلاف نوٹس جاری کیا، تب اپنے بچاؤکے حق میں کوئی جواب دیئے بغیرانہوں نے یہ حملہ کیا ہے، یہ بے بنیاد حملہ ہے۔
‘یہ ایک ٹول کٹ گینگ ہے’: روی شنکر پرساد
بی جے پی کے سینئر لیڈر روی شنکرپرساد نے کہا، ‘ہنڈن برگ میں اہم سرمایہ کارامریکی تاجرجارج سوروس ہیں۔ یہ ٹول کٹ گینگ ہے۔ سازش کے ذریعہ ہندوستان کی بڑھتی ہوئی معیشت کونقصان پہنچانے کی کوشش کی جا رہی ہے۔ اسٹاک مارکیٹ کوغیرمستحکم کرنے کی کوشش کی جارہی ہے۔ سب نے دیکھا ہے کہ ایک سازش کے تحت یہ رپورٹ ہفتہ کے روزسامنے آئی، جب بازاربند ہے۔ اس رپورٹ کے سامنے آنے کے بعد مارکیٹ میں کیا ہوا، آپ سب نے دیکھا ہے۔
کانگریس پرتنقید کرتے ہوئے انہوں نے کہا، ‘کانگریس آخرکارچاہتی کیا ہے۔ کیا کانگریس یہ چاہتی ہے کہ ہندوستان میں کوئی سرمایہ کاری نہ ہو۔ ہندوستان کی ترقی کوروکنے کی سازش کی جا رہی ہے۔ کانگریس ہندوستان کواقتصادی طورپرکمزورکرنا چاہتی ہے۔’ انہوں نے مزید کہا، ‘ہم واضح طورپرکہنا چاہتے ہیں کہ ہم ہندوستان کو کمزورنہیں ہونے دیں گے۔’
