بی جے پی رکن اسمبلی راجیشور سنگھ 1000 معذور افرد میں معاون آلات تقسیم کریں گے۔
کہاجاتا ہے کہ اگر غریبوں اور مظلوموں کے لئے خدمت خلق کا جذبہ ہے تو انسان ہر حال میں کرسکتا ہے۔ غریبوں اور معذوروں کے ساتھ مظلوموں کا سہارا بننے والا عوام کا مسیحا بھی ہوتا ہے۔ اسی ضمن میں اترپردیش کی راجدھانی لکھنؤ کے سروجنی نگر سیٹ سے بی جے پی کے رکن اسمبلی ڈاکٹر راجیشور سنگھ بھی مسلسل اپنے علاقے میں ترقیاتی کاموں کے ساتھ سماجی فلاح وبہبود کے لئے سرگرم رہتے ہیں۔ اب راجیشور سنگھ نے اپنے علاقے کے معذور افراد کو با اختیار بنانے کا عزم کیا ہے۔ اس کے لئے آئندہ 14 جنوری کو تقریباً 50 لاکھ کے معاون آلات رکن اسمبلی معذور افراد میں تقسیم کریں گے۔
سابق آئی پی ایس افسر اور بی جے پی رکن اسمبلی راجیشور سنگھ نے علاقے کے معذور افراد کی ترقی کے لئے یہ بڑا قدم اٹھایا ہے۔ وہ سروجنی نگر علاقے کے پہلے سے 1000 افراد کے درمیان 50 لاکھ روپئے کے معاون آلات تقسیم کریں گے۔ اس تقریب کا انعقاد 14 جنوری 2023 کو صبح 10 بجے اسکوٹر انڈیا چوراہا واقع گرین گارڈن میں کیا جائے گا۔ ایم ایل اے راجیشور سنگھ نے کہا کہ اس تقریب میں علاقہ کے زیادہ سے زیادہ لوگوں کے پہنچنے کا امکان ہے۔
दिव्यांगजन सशक्तिकरण संकल्प के क्रम में पूर्व में चिन्हित #सरोजनीनगर के 1000 दिव्यांगजनों के बीच 50 लाख के सहायता उपकरण वितरित किए जाएंगे।
कार्यक्रम का आयोजन 14 जनवरी 2023 को प्रातः 10 बजे स्कूटर इंडिया चौराहा स्थित ग्रीन गार्डेन में होगा, क्षेत्रवासियों की उपस्थिति अपेक्षित है। pic.twitter.com/B050EZxJee
— Rajeshwar Singh (@RajeshwarS73) January 12, 2023
انفورسمنٹ ڈائریکٹوریٹ (ای ڈی) کے جوائنٹ ڈائریکٹر کے عہدے پر رہ چکے راجیشور سنگھ کئی ہائی پروفائل کیس سے وابستہ رہے اور میکسس ڈیل، 2جی اسپیکٹرم، کوئلہ اسکیم جیسی بڑی جانچ میں بھی شامل رہے۔ ای ڈی کے تیز طراراور نامی گرامی افسر رہ چکے راجیشور سنگھ موجودہ وقت میں لکھنؤ کے سروجنی نگر سے بی جے پی کے رکن اسمبلی ہیں۔ انہوں نے وی آر ایس لے کر سیاست میں قدم رکھا اور بی جے پی کے ٹکٹ پر یوپی اسمبلی انتخابات 2022 میں سروجنی نگر سیٹ سے پہلی بار الیکشن جیت کر آئے اور اپنے حلقے کی نمائندگی کر رہے ہیں۔
