اجول نکم کو بی جے پی نے بنایا اپنا امیدوار
بی جے پی نے لوک سبھا انتخابات کے لیے مہاراشٹر کی ایک اور سیٹ کے لیے اپنے امیدوار کا اعلان کر دیا ہے۔ پارٹی نے ممبئی نارتھ سینٹرل سے پونم مہاجن کا ٹکٹ کاٹ کر کے اجول نکم کو اپنا امیدوار بنایا ہے۔
بھارتیہ جنتا پارٹی نے ممبئی کی شمالی وسطی سیٹ سے اجول نکم کو ٹکٹ دیا ہے۔ اجول نکم 26/11 کیس سمیت کئی بڑے مقدمات میں وکیل رہے ہیں۔ بی جے پی نے پونم مہاجن کا ٹکٹ کاٹ کرکے اجول نکم کو میدان میں اتارا ہے۔ اس سیٹ پر بی جے پی کافی دنوں سے منتھن کر رہی تھی۔ کانگریس نے اس سیٹ پر ورشا گائیکواڈ کو ٹکٹ دیا ہے۔
#LokSabhaElections2024 | BJP fields Special Public Prosecutor during 26/11 Mumbai Terror attack case, Ujjwal Nikam as its candidate from Mumbai North Central.
BJP’s Poonam Mahajan is the sitting MP from the constituency. pic.twitter.com/0FbzDxDpQ6
— ANI (@ANI) April 27, 2024
ملک میں ہوئے گزشتہ لوک سبھا انتخابات، یعنی لوک سبھا انتخابات 2019 میں، اس سیٹ پر کل 1679891 ووٹر تھے۔ اس انتخاب میں بی جے پی امیدوار پونم مہاجن نے کامیابی حاصل کی تھی، اور انہیں 486672 ووٹ ملے تھے۔ سنجے دت کی بہن پریا دت کانگریس کے ٹکٹ پر الیکشن لڑی تھیں اور دوسرے نمبر پر رہیں۔ 2014 میں بھی پونم مہاجن نے اس سیٹ پر انتخابات میں پریا دت کو شکست دی تھی۔
بھارت ایکسپریس۔
