بہار اسمبلی انتخابات 2025 کے حوالے سے اہم اعلان آج ہونے جا رہا ہے۔ الیکشن کمیشن پیر، 6 اکتوبر کو شام 4 بجے پریس کانفرنس منعقد کرنے جارہا ہے، جس میں چیف الیکشن کمشنر گیانیش کمار انتخابات کی تاریخوں، نامزدگی کے شیڈول، ووٹنگ اور نتائج کے اعلان کی تفصیلات فراہم کریں گے۔
ذرائع کے مطابق، ووٹنگ ممکنہ طور پر دو مراحل میں کرائی جائے گی، جس میں پہلا مرحلہ چھٹھ پوجا کے فوراً بعد متوقع ہے۔ الیکشن کمیشن کے تینوں اعلیٰ افسران حال ہی میں بہار کے دورے سے واپس لوٹے ہیں، جہاں انہوں نے انتخابی تیاریوں کا جائزہ لیا۔
آج سے نافذ ہو سکتی ہے انتخابی ضابطہ اخلاق
جیسے ہی انتخابی تاریخوں کا اعلان ہوگا، انتخابی ضابطہ اخلاق (Model Code of Conduct) فوراً نافذ ہو جائے گا، جس سے سرکاری اعلانات اور منصوبوں پر پابندیاں عائد ہو جائیں گی۔
موجودہ اسمبلی کی مدت کب ختم ہو رہی ہے؟
بہار کی موجودہ اسمبلی کا قیام 16 نومبر 2020 کو ہوا تھا، اس لیے آئینی اعتبار سے نئے انتخابات اس تاریخ سے پہلے مکمل ہونا لازمی ہیں۔
انتخابات کے اعلان کے ساتھ ہی ریاست میں سیاسی سرگرمیوں میں تیزی آ جائے گی، اور تمام جماعتیں اپنی انتخابی حکمت عملیوں کو حتمی شکل دینے لگیں گی۔
• آج شام 4 بجے انتخابی تاریخوں کا اعلان
• دو مرحلوں میں ووٹنگ کا امکان
• ضابطہ اخلاق فوری طور پر نافذ
• پٹنہ میٹرو کا آج ہوا افتتاح
• اسمبلی کی موجودہ مدت 16 نومبر کو ختم ہو رہی ہے
آئندہ چند ہفتے بہار کی سیاست کے لیے نہایت اہم ہوں گے، جہاں تمام سیاسی جماعتیں اپنی انتخابی مہم کے ساتھ عوام کو لبھانے کی کوشش کریں گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
