تھمپو: وزیر اعظم نریندر مودی بھوٹان کے دارالحکومت تھمپو کے چانگلمیتھانگ اسٹیڈیم میں منعقدہ کالاچکر ایمپاومنٹ کی تقریب میں شرکت کی، جو ان کے بھوٹان کے دورے کے دوسرے دن منعقد ہوئی۔ بھوٹان کے وزیر اعظم شیرنگ توبگے نے ایکس پر وزیر اعظم نریندر مودی کے روحانی کردار اور قیادت کی تعریف کرتے ہوئے ایک پوسٹ شیئر کی ہے۔
اپنی پوسٹ میں شیرنگ توبگے نے لکھا، ’’ایک روحانی طور پر ممتاز لیڈر، وزیر اعظم نریندر مودی نے جاری گلوبل پیس پریئر فیسٹیول کے حصے کے طور پر آج شروع ہونے والی مقدس کالاچکر ایمپاومنٹ کی افتتاحی تقریب انجام دی اور اس موقع کو اپنی دعاؤں سے برکت بخشی۔‘‘
An accomplished spiritual master, Prime Minister @narendramodi, inaugurated and blessed the sacred Kalachakra Empowerment which began today as part of the ongoing Global Peace Prayer Festival. pic.twitter.com/mgbCKGdhnx
— Tshering Tobgay (@tsheringtobgay) November 12, 2025
بتا دیں کہ یہ تقریب تین روزہ کالاچکر ایمپاومنٹ فیسٹیول ہے، جو تبتّی بدھ مت کا ایک پیچیدہ اور وسیع مذہبی رسم ہے۔ اس کا مقصد عقیدت مندوں کو مخصوص مراقبہ کے طریقوں کے ذریعے روحانی بیداری حاصل کرنے کا اختیار دینا ہے۔ کالچکر آغاز وقت، کائنات اور انسانی تجربے کے اتحاد کی علامت ہے۔
کالاچکر ایمپاومنٹ کی صدارت ان کی عظمت جے کھینپو نے کی۔ گلوبل پیچ پریئر فیسٹیول کے ساتھ ساتھ کالاچکر فنون اور نوادرات کی نمائش بھی کی گئی، جب کہ کالاچکر پر علمی سیمینار بھی منعقد کیے گئے۔
وزیر اعظم مودی بھوٹان کے دو روزہ دورے پر ہیں، جہاں انہوں نے تھمپو کے چانگلیمیتھنگ اسٹیڈیم میں کالاچکر ایمپاومنٹ کی روحانی تقریب میں شرکت کی۔ یہ تقریب بدھ مت کے ایک اہم روحانی عمل سے منسلک ہے جو وقت، کائنات اور انسانی تجربے کے اتحاد کی علامت سمجھی جاتی ہے۔
واضح رہے کہ اس موقع پر مودی اور بھوٹان کے بادشاہ جیگمے کھسَر نامگیل وانگچک نے پھوناتسانگچھو-II ہائیڈرو الیکٹرک پروجیکٹ کا بھی افتتاح کیا اور باہمی تعلقات کو مزید مضبوط کرنے پر اتفاق کیا۔
کل تھمپو میں وزیر اعظم مودی نے بھوٹان کے بادشاہ جگمی کھسر نامگیل وانگچک سے ملاقات کی۔ دونوں لیڈران نے دو طرفہ تعلقات کو مزید مضبوط کرنے کے طریقوں پر تبادلہ خیال کیا اور علاقائی و عالمی مسائل پر گفتگو کی۔
دونوں لیڈران نے بھارت سے لائے گئے پوترا پیپراوا کے آثارِ (Relics of Lord Buddha) کے سامنے پرارتھنا کی، جو اس وقت تاشیچھوڈزونگ کے عظیم کوئنرے ہال میں رکھے گئے ہیں۔ اسی موقع پر دونوں نے مشترکہ طور پر 1020 میگاواٹ کے پناتسانگچھو۔ ہائیڈرو الیکٹرک پروجیکٹ کا افتتاح کیا، جو بھارت اور بھوٹان کے درمیان توانائی کے شعبے میں تعاون کی ایک اہم سنگ میل ہے۔
اس موقع پر قابل تجدید توانائی، ذہنی صحت کی خدمات اور صحت کے شعبے میں تعاون بڑھانے کے لیے تین مفاہمتی یادداشتوں (MoUs) کا تبادلہ بھی کیا گیا۔ حکومتِ ہند نے بھوٹان میں توانائی کے منصوبوں کے لیے چار ہزار کروڑ روپے کی نرم قرض کی لائن فراہم کرنے کا اعلان کیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
