بھارت لٹریچر فیسٹیول 2025، جو ہندوستان کے سب سے باوقار ادبی پروگراموں میں سے ایک ہے، اپنے تیسرے سیزن کے لیے 1 سے 9 فروری 2025 تک، بھارت منڈپم، نئی دہلی میں واپس آئے گا۔ الفاظ اور خیالات کی طاقت کا جشن منانے کے لیے مشہور، اس سال کا میلہ متنوع سیشن پر مبنی ہوگا، جس میں مختلف شعبوں سے تعلق رکھنے والے ممتاز مقررین اور مفکرین شامل ہوں گے۔یہ میلہ نو دنوں تک جاری رہے گا، جس میں مباحثوں اور پینل سیشن کی بھرپورپیشکش دیکھنے کو ملے گی۔ ہر دن ثقافتی سفارت کاری، نظام انصاف، فلاح و بہبود اور کاروباری شخصیات اہم موضوعات پر دلکش گفتگو کریں گے۔
مثال کے طور پر، ششی تھرور اور پریانشی شرما “ایک ہزار دھاگوں: بھارت کی کہانی کو بُننا” پر ایک بیانیہ پیش کریں گے، جبکہ آچاریہ بال کرشنا “یوگا اور آیوروید: ہندوستان کی قدیم فلاح و بہبود کی حکمت” پر روشنی ڈالیں گے۔ اسی طرح، آر وینکٹرامانی اور پروفیسر سی راج کمار اپنے سیشن، “سپریم کورٹ @75: انصاف کا ستون، امنگوں کا آئینہ” میں سپریم کورٹ کے سفر پر غور کریں گے۔
معزز مہمانان اور مقررین
اوپیندرا رائے، سی ایم ڈی اورایڈیٹر ان چیف بھارت ایکسپریس نیوز ‘ ہندوستان کی ثقافتی سفارت کاری پر اپنابصیرت افروز خطاب کریں گے۔
شیو کھیرا، موٹیویشنل اسپیکر اور مصنف، اپنے سیشن “Dare to Dream, Dare to Win” سے عوام کو متاثر کریں گے۔
راکیش شرما، ہندوستان کے پہلے خلاباز، “ایک زمین، ایک قوم، ایک وژن: ایک کائناتی اوڈی سی” پر بات کر یں گے۔
ڈاکٹر کمار وشواس، عوامی شاعر: ایکوز آف دی ہارٹ اینڈ ہوم لینڈ” میں اپنے شاعرانہ اندازسے سامعین کو مسحور کر رہے ہیں۔
اس تقریب میں گجیندر سنگھ شیخاوت، آچاریہ پرشانت، اور پشپیش پنت جیسی معروف آوازیں شرکت کریں گی۔
فکری طور پر حوصلہ افزا بحث ومباحثہ کے علاوہ، یہ میلہ مصنفین، کاروباری افراد، صحافیوں اور پالیسی سازوں کے درمیان نیٹ ورکنگ کے لیے ایک متحرک پلیٹ فارم کے طور پر کام کرے گا۔ بھارت منڈپم میں تھیمیٹک پویلین انٹرایکٹو نمائشوں، ثقافتی پرفارمنسز اور کتابوں کی رونمائی کی میزبانی کرے گا۔
بھارت لٹریچر فیسٹیول متنوع نقطہ نظر کو پورا کرنے اور تمام شعبوں میں تعاون کو فروغ دینے کے اپنے مشن کو مضبوط بنا رہا ہے۔فیسٹیول کے متعددسیشن اور ثقافتی تبادلوں سے توقع ہے کہ وہ بامعنی مکالموں کی حوصلہ افزائی کریں گے اور فکری افق کو وسیع کریں گے۔وقت قریب آنے کے ساتھ ہی ادبی دنیا خیالات اور تخلیقی صلاحیتوں کے اس جشن کا بے صبری سے انتظار کر رہی ہے۔ مزید معلومات کے لیے میلے کی ویب سائٹ bharatlitfest.com پر جائیں۔ 1-9 فروری 2025 کے لیے اپنے کیلنڈرز کو نشان زد کریں، اور اس بے مثال ادبی سفر کا حصہ بنیں!
بھارت ایکسپریس۔
