نئی دہلی: ایران کے سپریم لیڈرآیت اللہ علی خامنہ ای کے قتل کے بعد کئی ریاستوں میں شیعہ طبقے کے لوگ امریکہ اوراسرائیل کے خلاف احتجاج کررہے ہیں۔ اس سے متعلق وزارت داخلہ نے ملک کے مختلف ریاستوں کوممکنہ تشدد اوراحتجاج سے متعلق الرٹ جاری کیا ہے۔ وزارت داخلہ نے واضح کیا ہے کہ بین الاقوامی بحران ہندوستان کی داخلی سلامتی کومتاثرکرسکتی ہے، اس لئے سیکورٹی ایجنسیوں کوپوری طرح محتاط رہنا چاہئے۔
ریاستوں کوبھیجے گئے پیغام میں کہا گیا ہے کہ وہ ایران حامیوں اورایران مخالف گروپوں کی سرگرمیوں میں گہری نظررکھیں۔ خصوصی طورپرایرانی، امریکی اوراسرائیلی سفارت خانوں اور قونصل خانوں کے آس پاس سیکورٹی گھیرا مضبوط کرنے کے احکامات دیئے گئے ہیں۔ وزارت داخلہ نے ملیشیا کے ساتھ اسلامک اسٹیٹ (آئی ایس آئی ایس) اورالقاعدہ جیسی تنظیموں سے پیدا ہوئے ممکنہ خطروں کی طرف بھی اشارہ کیا ہے۔ خفیہ جانکاری کے مطابق، مشتبہ دہشت گرد گروپ اس کشیدہ حالات کا فائدہ اٹھاکرامن وامان کوخراب کرنے کی کوشش کرسکتے ہیں۔
Union Ministry of Home Affairs has written to states cautioning against possible violence in India in the wake of Israel-US strikes against Iran. The letter was circulated on February 28, asking the states to identify “pro-Iran radical preachers giving inflammatory sermons”:…
— ANI (@ANI) March 2, 2026
حساس ٹھکانوں کی گہری جانچ کا حکم
حکم میں کہا گیا ہے کہ سیکورٹی الرٹ میں سفارت خانوں کے علاوہ اہم سیاحتی مقامات، یہودی اداروں اورمغربی ممالک سے متعلق اداروں کوممکنہ اہداف بتایا گیا ہے۔ مرکزی حکومت نے ریاستوں کومشورہ دیا ہے کہ وہ اہم اورحساس مقامات پرسیکورٹی اہلکاروں کی تعیناتی میں اضافہ کریں۔ اس کے ساتھ ہی مقامی پولیس کوبھیڑبھاڑوالے علاقوں اورحساس ٹھکانوں کی گہری جانچ کرنے اورآئی ای ڈی جیسے دھماکوں کی پہچان کے لئے مستقل چیکنگ مہم چلانے کوکہا گیا ہے۔ اشتعال انگیزتقاریرکرنے والے ایران کے حامیوں کی پہچان کرنے کوکہا گیا ہے۔
اشتعال انگیز تقاریراورڈیجیٹل مواد پربھی نظر
وزارت نے اشتعال انگیزپیغامات اورافواہوں کوپھیلانے سے روکنے کے لیے سوشل میڈیا کی نگرانی پربھی خصوصی زوردیا ہے۔ سائبرسیلزکوہدایت کی گئی ہے کہ وہ ڈیجیٹل مواد کی نگرانی کریں، کیونکہ اس سے فرقہ وارانہ ہم آہنگی کونقصان پہنچ سکتا ہے۔ تمام ریاستوں کے ڈائریکٹرجنرل آف پولیس سے کہا گیا ہے کہ وہ اس بات کویقینی بنائیں کہ کسی بھی ناخوشگوارواقعہ کو روکنے کے لئے ریپڈ رسپانس ٹیمیں تیارہوں۔ وزارت داخلہ صورتحال کا مسلسل جائزہ لے رہی ہے اورریاستوں کے ساتھ قریبی رابطہ میں ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
