Amit Shah Welcomes Shravan Month with Devotional Greeting: وزیر داخلہ امت شاہ نے مقدس شراون مہینے کے آغاز پر شیو بھکتوں کو دی مبارکباد، لگایا ’ہر ہر مہادیو‘ کا نعرہ

وزیر داخلہ امت شاہ نے ہندو کیلنڈر کے مطابق شروع ہونے والے مقدس شراون ماہ پر تمام ہم وطنوں کو مبارکباد پیش کی ہے۔ سوشل میڈیا پلیٹ فارم ’ایکس‘ پر پوسٹ کرتے ہوئے انھوں نے اس خاص موقعے کی اہمیت پر روشنی ڈالی۔ وزیر داخلہ امت شاہ نے لکھا کہ ’’مقدس شراون ماہ کے آغاز پر ملک کے باشندوں کو بہت بہت مبارکباد۔‘‘

انھوں نے اس مقدس مہینے کی اہمیت پر روشنی ڈالتے ہوئے  مزید کہا کہ  ’’دعا ہے کہ بھگوان شیو کی عبادت اور عقیدت کے لیے وقف یہ مقدس مہینہ ہر ایک کی زندگی میں روحانی بیداری، ترقی اور خوش حالی کی راہ ہموار کرے۔‘‘ وزیر داخلہ نے اس موقع پر بھگوان شیو کے عقیدت مندوں کے لیے خصوصی دعا بھی کی اور لکھا کہ ’’میں بھگوان شیو سے دعا گو ہوں کہ وہ تمام عقیدت مندوں پر اپنا کرم بنائے رکھے۔ ہر ہر مہادیو!‘‘ امت شاہ کا یہ پیغام ملک بھر میں شیو بھکتوں کے درمیان تیزی سے وائرل ہو گیا اور ہزاروں صارفین نے ’’ہر ہر مہادیو‘‘ کے نعروں کے ساتھ ان کے پیغام پر ردعمل کا اظہار کیا۔

पवित्र श्रावण मास के प्रारंभ होने की देशवासियों को हार्दिक शुभकामनाएँ।

भगवान शिव की आराधना और भक्ति को समर्पित यह पवित्र मास सभी के जीवन में आध्यात्मिक चेतना, उन्नति और समृद्धि का मार्ग प्रशस्त करे। भगवान शिव से सभी भक्तगणों पर कृपा दृष्टि बनाए रखने की कामना करता हूँ।

हर हर… pic.twitter.com/gW2PJyjASJ

— Amit Shah (@AmitShah) July 11, 2025

شراون ماہ کی مذہبی اہمیت

واضح رہے کہ شراون ماہ ہندو مذہب میں بھگوان شیو کی عبادت کا سب سے اہم اور مقدس مہینہ مانا جاتا ہے۔ اس دوران لاکھوں عقیدت مند پوجا، ورت، جل ابھیشیک اور کانوڑ یاترا جیسے روحانی اعمال میں حصہ لیتے ہیں۔ مانا جاتا ہے کہ اس مہینے میں شیو جی کی بھکتی کرنے سے خصوصی آشیرواد حاصل ہوتا ہے۔

بھارت ایکسپریس اردو