Amit Shah Recalls Partition Horrors: وزیر داخلہ امت شاہ نے تقسیمِ ہند کی ہولناکیوں اور اس کے متاثرین کو کیا یاد، کانگریس کو ٹھہرایا تقسیم کا ذمہ دار

وزیر داخلہ امت شاہ نے تقسیمِ ہند کی ہولناکیوں کو یاد کرتے ہوئے سوشل میڈیا پلیٹ فارم ’ایکس‘ پر ایک پوسٹ میں ملک کی تقسیم اور اس کے اثرات پر بات کی۔ انھوں نے کہا کہ ’’تقسیمِ ہند کی ہولناکیوں کو یاد کرنے کا دن ملک کی تقسیم کو یاد کرنے اور اس سانحے کے متاثرین سے اظہار تعزیت کا دن ہے۔‘‘

امت شاہ نے تقسیم کے لیے کانگریس کو ذمہ دار ٹھہراتے ہوئے کہا کہ ’’اس دن کانگریس نے ملک کو ٹکڑوں میں بانٹ کر مادر ہند کے غرور کو ٹھیس پہنچائی۔ تقسیم تشدد، استحصال اور مظالم کا باعث بنی اور کروڑوں لوگوں کو بے گھر ہونا پڑا۔ میں ان تمام لوگوں کو دل کی گہرائیوں سے خراج تحسین پیش کرتا ہوں جو اس دردناک واقعے میں متاثر ہوئے۔ ملک تقسیم کی اس تاریخ اور درد کو کبھی فراموش نہیں کر سکے گا۔‘‘ تقسیم ہند کے نتیجے میں اپنی جانیں گنوانے والوں کو یاد کرتے ہوئے وزیر داخلہ نے انھیں خراج  بھی پیش کیا۔

#PartitionHorrorsRemembranceDay देश के विभाजन और उसकी त्रासदी के शिकार लोगों के दर्द को याद कर संवेदना व्यक्त करने का दिन है। इस दिन कांग्रेस ने देश को टुकड़ों में बाँटकर माँ भारती के स्वाभिमान को चोट पहुँचाई। विभाजन के कारण हिंसा, शोषण और अत्याचार हुए, और करोड़ों लोगों ने… pic.twitter.com/a6y8Q4lza3

— Amit Shah (@AmitShah) August 14, 2025

اس سے قبل وزیر اعظم مودی نے بھی اس موقع پر تقسیمِ ہند کے متاثرین کو یاد کیا اور ان کے درد پر اظہارِ افسوس کرتے ہوئے ان کی اس جرأت و ہمت کو بھی سراہا کہ انھوں نے اس ناقابلِ فراموش سانحے کے بعد بھی از سرِ نو زندگی شروع کی اور نمایاں کامیابیاں بھی حاصل کیں۔ واضح رہے کہ ہندوستان میں 14 اگست ’’تقسیم ہند کی ہولناکیوں کی یاد کا دن‘‘ کے طور پر منایا جاتا ہے، تاکہ ان لاکھوں افراد کو خراج عقیدت پیش کیا جا سکے جنھوں نے 1947 کی تقسیم کے دوران اپنی جانیں گنوائیں یا جبراً بے گھر کیے گئے۔ ایک اندازے کے مطابق تقسیم ہند کے دوران دو کروڑ افراد متاثر ہوئے اور تاریخ کی سب سے بڑی ہجرت پر مجبور ہوئے۔

بھارت ایکسپریس اردو