مرکزی وزیر داخلہ امت شاہ نے اتوار کو احمد آباد کے نارن پورہ علاقے میں ایک عوامی تقریب سے خطاب کرتے ہوئے کہا کہ ملک کی حفاظت اور اس کی سرحدوں کو محفوظ بنانے کی تاریخ میں ’’آپریشن سندور‘‘ کا نام سنہرے حروف سے لکھا جائے گا۔ واضح رہے کہ امت شاہ گجرات کے دو روزہ دورے پر ہیں۔ انھوں نے اس تقریب میں احمد آباد میونسپل کارپوریشن کے ذریعہ احمد آباد شہر میں 1,550 کروڑ روپے سے زیادہ کے ترقیاتی کاموں کا افتتاح اور سنگ بنیاد رکھا۔
افتتاح کے بعد عوام سے خطاب کرتے ہوئے وزیر داخلہ نے کہا ’’(وزیراعظم) نریندر بھائی (مودی) کی سیاسی پختگی، ہندوستانی مسلح افواج کی صلاحیت اور حملہ کرنے کی صلاحیت اور ہماری انٹیلی جنس ایجنسیوں کی طرف سے فراہم کردہ درست معلومات نے پاکستان کے اندر دہشت گردی کے نو مقام کو تباہ کیا۔‘‘ امت شاہ نے مزید کہا کہ آپریشن سندور کے بعد ہم نے پاکستان کو دنیا کے سامنے بے نقاب کر دیا ہے۔
آپریش سندور نے پاکستان کو بے نقاب کر دیا: امت شاہ
انھوں نے کہا کہ پاکستان کہتا تھا کہ ’’ہمارے علاقے میں کوئی دہشت گرد نہیں ہے، ہمارے ملک میں دہشت گردی کی کوئی سرگرمی نہیں ہوتی ہے، لیکن آپریشن سندور کے بعد پاکستان دنیا کے سامنے بے نقاب ہو گیا۔ اور اگلے دن جب پاکستانی فوج کے اعلیٰ عہدے دار بھارتی حملے میں ہلاک ہونے والے دہشت گردوں کے جنازے میں شامل ہوئے تو پاکستان، اس کی فوج اور دہشت گردی کا گٹھ جوڑ پوری دنیا کے سامنے بے نقاب ہو گیا۔‘‘
آپریشن سندور میں براہموس میزائلوں کی کارکردگی کا خاص طور پر ذکر کرتے ہوئے امت شاہ نے کہا ’’ہمارے براہموس میزائلوں نے پاکستان کے فضائی اڈوں کو تباہ کرنے کا کام کیا۔ براہموس میزائل نے پاکستان کو منہ توڑ جواب دیا۔ جب ملک کی حفاظت اور سرحدوں کو محفوظ بنانے کی تاریخ لکھی جائے گی تو آپریشن سندور سنہرے حروف میں لکھا جائے گا۔‘‘
ترنگا یاترا میں ہوئے شریک
اس سے قبل وزیر داخلہ امت شاہ نے گاندھی نگر میں ہندوستانی افواج کے اعزاز میں منعقدہ ترنگا یاترا میں بھی شرکت کی۔ ان کے ساتھ وزیر مملکت برائے داخلہ ہرش سنگھوی اور بی جے پی کے کئی مقامی لیڈران بھی شامل تھے۔ شاہ نے اتوار کو مہسانہ ضلع کے گوزریا میں ایک پبلک ٹرسٹ کے زیر انتظام نرسنگ کالج کی نئی تعمیر شدہ عمارت کا بھی افتتاح کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
