مرکزی وزیر داخلہ امت شاہ نے پیر کو تلنگانہ کے سنگاریڈی میں ایک کیمیکل فیکٹری میں دھماکے پر دکھ کا اظہار کیا، جس میں کم از کم 12 افراد ہلاک اور متعدد زخمی ہوئے ہیں۔ انھوں نے کہا کہ این ڈی آر ایف کی ٹیم مقامی انتظامیہ کے ساتھ مل کر بچاؤ کام جاری رکھے ہوئے ہے۔ سوشل میڈیا پلیٹ فارم ’ایکس‘ پر پوسٹ کرتے ہوئے وزیر داخلہ نے لکھا کہ ’’سنگاریڈی، تلنگانہ میں ایک کیمیکل فیکٹری میں ہونے والے المناک حادثے سے غمزدہ ہوں۔‘‘
انھوں نے مزید کہا کہ ’’این ڈی آر ایف کی ٹیم فوری طور پر موقع پر پہنچی اور مقامی انتظامیہ کے ساتھ مل کر ریسکیو آپریشن جاری رکھے ہوئے ہے۔ متاثرین کے خاندانوں سے میری دلی تعزیت ہے، جنھوں نے اپنے پیاروں کو کھو دیا ہے۔ زخمیوں کی جلد صحت یابی کے لیے دعاگو ہوں۔‘‘
Saddened by the tragic accident in a chemical factory in Sangareddy, Telangana. The NDRF team rushed to the spot immediately and is continuing the rescue operation along with the local administration. My heartfelt condolences to the families who have lost their loved ones.…
— Amit Shah (@AmitShah) June 30, 2025
ابھی تک حادثے کی وجہ واضح نہیں
اس سے قبل دن میں تلنگانہ اسٹیٹ ڈیزاسٹر ریسپانس اینڈ فائر سروسز کے ڈائریکٹر جنرل وائی ناگی ریڈی نے کہا کہ بچاؤ ٹیم اس وقت ملبے کے نیچے پھنسے لوگوں کی تعداد کے بارے میں غیر یقینی ہے۔ انھوں نے مزید کہا کہ صنعتی ماہرین کے مطابق دھماکہ مائیکرو کرسٹل لائن سیلولوز کی ایئر ہینڈلنگ اور خشک کرنے کے دوران ہوا۔ ناگی ریڈی نے جائے حادثہ کا دورہ کرنے کے بعد نامہ نگاروں کو بتایا کہ ’’آج صبح تقریباً 9.48 بجے، سگاچی فارما کمپنی کے ڈرائنگ یونٹ میں دھماکہ ہوا، دھماکے سے آگ لگ گئی۔ اس واقعہ میں کل 12 افراد ہلاک اور 35 زخمی ہوئے ہیں۔‘‘
اس دوران تلنگانہ کے وزراء وینکٹ سوامی اور دامودر راجہ نرسمہا نے بھی جائے حادثہ کا دورہ کیا۔ میڈیا سے بات کرتے ہوئے وینکٹ سوامی نے کہا کہ فی الحال 12 افراد کی حالت نازک ہے، جن کا علاج جاری ہے۔ انھوں نے بتایا کہ ’’فیکٹری انچارج بھی حادثے میں اپنی جان سے ہاتھ دھو بیٹھا ہے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
