بہار میں نئی این ڈی اے حکومت کے قیام اور وزیراعلیٰ کے طور پر حلف برداری کے بعد اپوزیشن کی جانب سے مسلسل ردِ عمل سامنے آ رہے ہیں۔ اسی سلسلے میں سماجوادی پارٹی کے قومی صدر اور اتر پردیش کے سابق وزیراعلیٰ اکھلیش یادو نے سوشل میڈیا پلیٹ فارم ‘ایکس’ پر ایک دلچسپ پوسٹ شیئر کی، جس نے سیاسی حلقوں میں نئی بحث چھیڑ دی ہے۔ اکھلیش یادو نے وہ دو پرانی تصاویر شیئر کیں جب ‘انڈیا’ اتحاد کی تشکیل ہو رہی تھی اور نتیش کمار اس اتحاد کو متحد رکھنے میں اہم کردار ادا کر رہے تھے۔ تصاویر کے ساتھ اخیلش نے لکھا کہ اس وقت انہوں نے نتیش کمار کو وزیراعظم کے عہدے تک پہنچانے کی کوشش کی تھی۔ انہوں نے کہا:
اکھلیش نے نتیش کمار کو وزیراعلیٰ کے طور پر حلف لینے پر مبارکباد بھی دی
बिहार के मुख्यमंत्री के रूप में शपथ लेने पर श्री नीतीश कुमार जी को बधाई और आगामी पूरे पाँच सालों के लिए उनकी अपनी मूल समाजवादी विचारधारा पर आधारित स्वतंत्र शासन-प्रणाली चलाने और जनहितकारी सकारात्मक कार्य करने के लिए शुभकामनाएँ! pic.twitter.com/dhNI7uakEe
— Akhilesh Yadav (@yadavakhilesh) November 20, 2025
اسی تبصرے کے ساتھ اکھلیش نے نتیش کمار کو وزیراعلیٰ کے طور پر حلف لینے پر مبارکباد بھی دی۔ انہوں نے لکھا کہ نتیش کمار کو بہار کے وزیراعلیٰ کے طور پر حلف لینے پر مبارکباد اور آئندہ پانچ برسوں کے لیے عوامی فلاح، مثبت طرز سیاست اور اپنی اصل سماجوادی نظریے پر مبنی آزادانہ حکمرانی کے لیے نیک خواہشات۔
سیاسی تجزیہ کاروں کا کہنا ہے کہ اکھلیش یادو کی یہ پوسٹ<
बिहार के मुख्यमंत्री के रूप में शपथ लेने पर श्री नीतीश कुमार जी को बधाई और आगामी पूरे पाँच सालों के लिए उनकी अपनी मूल समाजवादी विचारधारा पर आधारित स्वतंत्र शासन-प्रणाली चलाने और जनहितकारी सकारात्मक कार्य करने के लिए शुभकामनाएँ! pic.twitter.com/dhNI7uakEe
— Akhilesh Yadav (@yadavakhilesh) November 20, 2025
/h3>
سیاسی تجزیہ کاروں کا کہنا ہے کہ اکھلیش یادو کی یہ پوسٹ صرف ایک مبارکباد نہیں بلکہ ایک سیاسی طنز بھی ہے۔ ‘انڈیا’ اتحاد کے وقت نتیش کمار کو اپوزیشن کے ممکنہ وزیراعظم کے چہرے کے طور پر دیکھا جا رہا تھا اور کئی رہنماؤں، بشمول اکھلیش یادونے ان کے قائدانہ کردار کی تعریف کی تھی۔ مگر کچھ عرصہ بعد ہی نتیش کمار نے اچانک اتحاد سے علیحدگی اختیار کر لی اور دوبارہ این ڈی اے میں شامل ہو گئے۔ اسی وجہ سے اپوزیشن ان پر یو ٹرن سیاست کے الزامات عائد کرتی رہی ہے۔
پوسٹ کے پیچھے سیاسی پیغام کیا ہے؟
پرانے لمحات کو دوبارہ یاد دلانے کا مقصد یہ ظاہر کرنے کی کوشش ہے کہ نتیش کمار نے کئی بار سیاسی موقف بدلا ہے اور اپوزیشن انہیں اسی نقطے پر گھیرنا چاہتی ہے۔ یہ تصاویر یاد دلاتی ہیں کہ کبھی وہ اپوزیشن اتحاد کے مرکزی ستون تھے،
مگر آج وہ این ڈی اے کے ساتھ مل کر وزیراعلیٰ بنے بیٹھے ہیں۔ اکھلیش یادو کا وزیراعظم بنانے والا جملہ ایک سیاسی طنز کے طور پر دیکھا جا رہا ہے۔
نتیش کی حلف برداری اور اپوزیشن کا ردعمل
نتیش کمار نے دسویں مرتبہ وزیراعلیٰ کے طور پر حلف اٹھایا ہے، جو ایک ریکارڈ ہے۔ مگر حلف برداری کے فوراً بعد ہی اپوزیشن نے ان کی ساکھ اور سیاسی اعتبارپرسوال اٹھائے ہیں۔ اکھلیش کی یہ پوسٹ بھی اسی سلسلے کا حصہ مانی جا رہی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
