نئی دہلی: مہا کمبھ میں عقیدت مندوں کی بڑی بھیڑ کی وجہ سے پریاگ راج جانے والی سڑکوں پر لمبا جام ہے۔ دریں اثنا، سماج وادی پارٹی کے قومی صدر اور اتر پردیش کے سابق وزیر اعلی اکھلیش یادو نے اتوار کو حکومت کو مشورہ دیا کہ وہ ریاست میں گاڑیوں کو ٹول فری بنائے تاکہ ٹریفک جام کے مسئلہ پر قابو پایا جا سکے اور مہا کمبھ کے دوران سفری رکاوٹوں کو دور کیا جا سکے۔
سماجوادی پارٹی کے سربراہ اکھلیش یادو نے ایکس پر ایک پوسٹ میں لکھا کہ”مہا کمبھ کے موقع پر اتر پردیش میں گاڑیوں کو ٹول فری کیا جائے، اس سے سفری رکاوٹیں بھی کم ہوں گی اور ٹریفک جام کا مسئلہ بھی۔ جب فلموں کو تفریحی ٹیکس فری بنایا جا سکتا ہے تو مہا کمبھ کے عظیم تہوار پر گاڑیوں کو ٹیکس فری کیوں نہیں کیا جا سکتا؟” اکھلیش یادو نے اپنے سوشل میڈیا اکاؤنٹ پر کچھ تصاویر اور ویڈیوز بھی شیئر کی ہیں، جس میں چیف ایگزیکٹیو اکیل دیو سے بات کی ہے۔ جس کی تصاویر اس نےایکس پر بھی پوسٹ کی ہیں۔
واضح رہے کہ کمبھ میں اب بھی عقیدت مندوں کا سلسلہ جاری ہے اور 26 فروری کو آخری اسنان تک میلے کے علاقے میں کافی بھیڑ رہتی ہے۔ اس کی وجہ سے پریاگ راج ضلع کی سرحدی سڑکوں پر بھی ٹریفک جام دیکھا جا رہا ہے۔ مہا کمبھ کے دوران آج اتوار (9 فروری) کو ایک کروڑ سے زیادہ عقیدت مندوں نے گنگا میں اسنان کیا۔ گزشتہ کئی دنوں سے روزانہ ایک کروڑ سے زائد لوگوں کی آمد کے باعث میلے کے علاقے سے شہر تک کے انتظامات درہم برہم ہو کر رہ گئے ہیں۔
महाकुंभ के अवसर पर उप्र में वाहनों को टोल मुक्त किया जाना चाहिए, इससे यात्रा की बाधा भी कम होगी और जाम का संकट भी। जब फ़िल्मों को मनोरंजन कर मुक्त किया जा सकता है तो महाकुंभ के महापर्व पर गाड़ियों को कर मुक्त क्यों नहीं? pic.twitter.com/1ceISd8WNK
— Akhilesh Yadav (@yadavakhilesh) February 9, 2025
سینئر پولیس اور انتظامیہ کے اہلکار اب خود گراؤنڈ زیرو پر پہنچ چکے ہیں اور حالات کو سنبھالنے میں مصروف ہیں۔ مہا کمبھ کے پولیس کے ڈی آئی جی ویبھو کرشنا خود سنگم سے انٹری پوائنٹ تک پیدل سفر کرکے انتظامات کرنے میں مصروف ہیں۔ ان کا کہنا ہے کہ بھیڑ غیر متوقع طور پر بڑھ رہی ہے جس کی وجہ سے بعض اوقات لوگوں کو کچھ پریشانیوں کا سامنا کرنا پڑتا ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
