نئی دہلی: اکاسا ایئر نے منگل کے روز نوئیڈا انٹرنیشنل ایئرپورٹ سے اپنی تجارتی پروازوں کا باضابطہ آغاز کر دیا۔ اس کے ساتھ ہی یہ نئی فضائی کمپنیوں میں شامل ہو گئی ہے جنہوں نے اس جدید ہوائی اڈے سے اپنی خدمات شروع کی ہیں۔ ایئرلائن نے نوئیڈا سے نوی ممبئی اور بنگلورو کے لیے براہِ راست پروازوں کا آغاز کیا ہے۔ کمپنی کے مطابق یہ اقدام اس کی نیٹ ورک توسیعی حکمتِ عملی کا اہم حصہ ہے، جس کے ذریعے قومی راجدھانی خطے (این سی آر) میں اس کی موجودگی مزید مستحکم ہوگی۔ پہلی پرواز صبح 7 بج کر 25 منٹ پر نوی ممبئی انٹرنیشنل ایئرپورٹ سے روانہ ہوئی اور صبح 9 بج کر 35 منٹ پر نوئیڈا انٹرنیشنل ایئرپورٹ پہنچی۔ واپسی کی پرواز صبح 10 بج کر 15 منٹ پر نوئیڈا سے روانہ ہوئی اور دوپہر 12 بج کر 30 منٹ پر نوی ممبئی پہنچ گئی۔
توسیعی منصوبوں میں اہم سنگِ میل
اکاسا ایئر نے بنگلورو کے لیے بھی براہِ راست فضائی سروس شروع کر دی ہے۔ کمپنی کا کہنا ہے کہ نوئیڈا انٹرنیشنل ایئرپورٹ پر ابتدائی مرحلے میں خدمات کا آغاز تیزی سے ترقی کرنے والی منڈیوں میں مضبوط موجودگی قائم کرنے کی اس کی طویل مدتی حکمتِ عملی کے مطابق ہے۔ ایئرلائن کے مطابق یہ پیش رفت اس کی توسیعی منصوبہ بندی میں ایک اہم سنگِ میل ہے۔ کمپنی نئے ہوائی اڈوں کی ترقی اور شمالی بھارت میں فضائی سفر کی بڑھتی ہوئی طلب سے فائدہ اٹھانے کی کوشش کر رہی ہے۔ اکاسا ایئر کے شریک بانی اور چیف کمرشیل آفیسر آنند سرینواسن نے کہا کہ نوئیڈا سے پروازوں کا آغاز کمپنی کی ترقیاتی سفر میں ایک اہم کامیابی ہے۔ انہوں نے کہا، ’’نوئیڈا میں ہماری ابتدائی موجودگی ابھرتی ہوئی منڈیوں میں مضبوط نیٹ ورک قائم کرنے کی ہماری طویل مدتی حکمتِ عملی کا حصہ ہے۔ اس کے ساتھ ساتھ ہم جدید فضائی انفراسٹرکچر کی ترقی میں بھی اپنا کردار ادا کرنا چاہتے ہیں۔ ہم نوئیڈا انٹرنیشنل ایئرپورٹ کے ساتھ اپنی شراکت داری کو مزید مضبوط بنانے اور مسافروں کو بہتر اور قابلِ اعتماد سفری تجربہ فراہم کرنے کے لیے پُرجوش ہیں۔‘‘
علاقائی رابطوں کو ملے گی مضبوطی
نوئیڈا انٹرنیشنل ایئرپورٹ کے نائب صدر نے کہا کہ اکاسا ایئر کی خدمات کے آغاز سے مسافروں کے لیے سفری اختیارات میں اضافہ ہوگا اور علاقائی رابطہ مزید مضبوط ہوگا۔ انہوں نے کہا، ’’اس ہوائی اڈے سے آپریشن شروع کرنے والی ابتدائی ایئرلائنز میں شامل ہونے کے باعث اکاسا ایئر مسافروں کے لیے نئے سفری مواقع اور زیادہ انتخاب فراہم کرنے میں اہم کردار ادا کرے گی۔‘‘ انہوں نے مزید کہا کہ اس شراکت داری سے نہ صرف ہوائی سفر کو فروغ ملے گا بلکہ خطے کی اقتصادی سرگرمیوں اور رابطہ کاری میں بھی مثبت اثرات مرتب ہوں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
