ہندوستان کے ایک مسافر بردار طیارے نے کراچی کے ایئرپورٹ پر ہنگامی لینڈنگ کی ہے۔ بھارتی ایئرلائن کی پرواز آئی ایکس 192 دبئی سے امرتسرآرہی تھی۔دوران پرواز مسافر کو مرگی کے دورے پڑنے پر کپتان نے پاکستانی ایئرٹریفک کنٹرولر سے رابطہ کیا اور اسے طیارہ لینڈ کرنے کی اجازت دی۔ترجمان سول ایوی ایشن اتھارٹی نے طیارے کی کراچی ایئرپورٹ پر ہنگامی لینڈنگ کی تصدیق کی ہے۔یہ بھی جانکاری دی گئی کہ طیارہ ایئر انڈیا کا تھا جو دوبئی سے امرتسر کے مسافروں کو لا رہا تھا۔
سول ایوی ایشن ذرائع کے مطابق دوران پرواز مسافر کو مرگی کے دورے پڑنا شروع ہوئے جس پر بھارتی طیارے کے پائلٹ نے پاکستانی ائیرٹریفک کنٹرولر سے رابطہ کیا اور پھر کراچی ائیرپورٹ پر ہنگامی لینڈنگ کی۔ترجمان سی اے اے کا کہنا ہے کہ بھارتی طیارہ ہفتہ کو 12 بجکر 28 منٹ پر لینڈ ہوا تھا۔ترجمان سی اے اے کے مطابق طیارے کی لینڈنگ کے بعد بارڈر ہیلتھ سروسز اور سی اے اے کے ڈاکٹرز فوری طور پر پہنچ گئے تھے اور مسافرکو فوری طور پر طبی امداد فراہم کی۔
On October 14, Air India Express Boeing 737 Dubai to Amritsar flight IX192 diverted to Karachi due to medical emergency onboard. pic.twitter.com/tpGiSPDBUR
— Pakistan Aviation News 🇵🇰 (@avpak3) October 14, 2023
ترجمان سی اے اے کے مطابق طیارہ 2 گھنٹے سے زائد کراچی ائیرپورٹ پر رکا رہا،مسافروں کو جہاز سے اترنے کی اجازت نہیں تھی،بروقت طبی امداد ملنے پر مسافر کی طبیعت بہتر ہونے پر پرواز کو روانہ کیا گیا۔اس کے بعد پرواز بہت آسانی کے ساتھ امرتسر ہوائی اڈے پہنچ گیا ۔ یہ پہلا واقعہ نہیں ہے جب پاکستان میں ہندوستانی طیارے کی ہنگامی لینڈنگ ہوئی ہو بلکہ کئی بار ایسا ہوچکا ہے،اچھی بات یہ ہے کہ پاکستان اس کیلئے منع بھی نہیں کرتا ہے۔
بھارت ایکسپریس۔
