ممبئی ایئرپورٹ پر ایک بڑا حادثہ ٹل گیا ہے۔ کیرالہ کے کوچی سے ممبئی آنے والا ایئر انڈیا کا طیارہ لینڈنگ کے دوران رن وے پر پھسل گیا۔ شدید بارش کے باعث پیش آنے والے اس حادثے میں طیارے کے تینوں ٹائر پھٹ گئے۔ راحت کی بات یہ ہے کہ تمام مسافر محفوظ ہیں۔ جس وقت یہ واقعہ ہوا، اس وقت ممبئی میں شدید بارش ہو رہی تھی، جس کی وجہ سے لینڈنگ کافی مشکل تھی اور اس کی وجہ سے فلائٹ- AI2744 رن وے پر پھسل گئی۔ اس حادثے میں کسی کے زخمی ہونے کی کوئی خبر نہیں ہے۔
ایئر انڈیا نے ایک بیان میں کیا کہا؟
ایئر انڈیا نے اس واقعے کے بارے میں کہا کہ تمام مسافروں اور عملے کے ارکان کو بحفاظت اتار لیا گیا ہے۔ ایئر لائن کے ترجمان نے کہاکہ 21 جولائی کو کوچی سے ممبئی کے لیے اڑان بھرنے والا طیارہ AI2744 ممبئی ایئرپورٹ پر لینڈنگ کے دوران رن وے پر پھسل گیا۔ طیارہ بحفاظت گیٹ پر پہنچ گیا اور تمام مسافروں کو بحفاظت باہر نکال لیا گیا۔ طیارے کو تحقیقات کے لیے عارضی طور پر گراؤنڈ کر دیا گیا ہے۔
#BREAKINGNEWS 🚨
Air India flight skids off the runway at Mumbai Airport; all passengers and crew are safe. Runway damaged.#Mumbaiairport pic.twitter.com/xQnr7iUJdt— AM Polls (@am_polls) July 21, 2025
ممبئی ایئرپورٹ نے بھی ایک بیان جاری کیا
چھترپتی شیواجی مہاراج انٹرنیشنل ایئرپورٹ (CSMIA) نے بھی اس واقعہ پر ایک بیان جاری کیا ہے۔ CSMIA نے کہا، ’21 جولائی 2025 کو صبح 09:27 بجے، کوچی سے آنے والا ایک طیارہ ممبئی ایئرپورٹ کے رن وے پر اترتے وقت پھسل گیا۔ واقعہ کے فوری بعد CSMIA کی ایمرجنسی رسپانس ٹیم فوری طور پر موقع پر پہنچ گئی۔ طیارے سے تمام مسافروں اور عملے کے ارکان کو فوری طور پر نکال لیا گیا۔ وہ سب محفوظ ہیں۔ مین رن وے 09/27 کو معمولی نقصان کی اطلاع ملی ہے۔ آپریشن کے تسلسل کو یقینی بنانے کے لیے سیکنڈری رن وے 14/32 کو فعال کر دیا گیا ہے۔ سی ایس ایم آئی اے میں حفاظت ہمیشہ ہماری اولین ترجیح ہوتی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
