بہار کے امّور میں اے آئی ایم آئی ایم کے چیف اسدالدین اویسی نے ایک جلسہ عام سے خطاب کرتے ہوئے وزیراعلیٰ نتیش کمار کے سامنے رکھی پیشکش ۔ انہوں نے کہا کہ ان کی پارٹی نتیش حکومت کا تعاون کرنے کے لیے تیار ہے، لیکن شرط یہ ہے کہ سیمانچل کے ساتھ انصاف ہونا چاہیے۔ اویسی نے کہا کہ پارٹی آئندہ چھ مہینوں میں اپنے تمام پانچ ممبرانِ اسمبلی کے لیے دفاتر کھولے گی، جہاں ایم ایل اے ہفتے میں دو دن بیٹھ کر لوگوں سے ملاقات کریں گے۔ انہوں نے یہ بھی کہا کہ وہ خود ہر چھ ماہ میں سیمانچل جانے کی کوشش کریں گے۔
نئی حکومت کو مبارکباد
اویسی نے بہار کی نئی حکومت کو مبارکباد دی اور کہا کہ وہ تعاون کرنے کو تیار ہیں۔ ساتھ ہی انہوں نے عظیم اتحاد اور این ڈی اے پر اپنی بات رکھی۔ انہوں نے کہا کہ یہ بدقسمتی ہے کہ کچھ لیڈر بہار کے عوامی مینڈیٹ کو غلط قرار دے رہے ہیں۔ اویسی نے واضح طور پر کہا کہ ان کی پارٹی نہیں چاہتی تھی کہ این ڈی اے جیتے، لیکن عوام کا فیصلہ یہی ہے اور اسے عزت کے ساتھ قبول کرنا ہوگا۔
VIDEO | Bihar: Addressing a gathering in Amour, AIMIM Chief Asaduddin Owaisi (@asadowaisi) said, “We will open the party office for all our five MLAs, and they will sit in that office and interact with people, twice every week. We will try to start this work within six months. I… pic.twitter.com/1vN33gN7WW
— Press Trust of India (@PTI_News) November 22, 2025
عظیم اتحاد کو خود احتسابی کا مشورہ
اویسی نے یہ بھی کہا کہ انہیں توقع نہیں تھی کہ این ڈی اے 200 نشستوں کا ہندسہ پار کر جائے گا۔ انہوں نے عظیم اتحاد کو مشورہ دیا کہ وہ خود اپنا جائزہ لیں اور ہر بار انہیں ذمہ دار ٹھہرانے کا راگ الاپنا بند کریں۔ ان کا کہنا تھا کہ اگر نتیش کمار واقعی بہار میں ترقی کرنا چاہتے ہیں تو سیمانچل کے ساتھ انصاف کرنا ہوگا۔
#WATCH | On NDA’s landslide victory in #BiharElection2025 and Mahagathbandhan’s performance, AIMIM chief Asaduddin Owaisi says, “…It is unfortunate that Akhilesh Yadav has started saying that Bihar SIR is the reason for this mandate. This is wrong. We too didn’t want NDA to… pic.twitter.com/bgenVFSOG0
— ANI (@ANI) November 15, 2025
قابل ذکر ہے کہ بہار اسمبلی انتخابات 2025 میں این ڈی اے نے 202 نشستیں جیت کر واضح اکثریت حاصل کی۔ بی جے پی نے 89 اور جے ڈی یو نے 84 سیٹیں جیتیں۔ نتیش کمار نے 26 وزراء کے ساتھ حلف اٹھاتے ہوئے دسویں بار وزیراعلیٰ کا عہدہ سنبھالا اور محکموں کی تقسیم بھی مکمل کر دی۔ اے آئی ایم آئی ایم سربراہ کا یہ بیان نئی حکومت کے لیے ایک سیاسی اشارہ سمجھا جا رہا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
