فائل فوٹو (اے آئی جنریٹیڈ)
گجرات کی احمدآباد سٹی سیشن کورٹ نے ایسڈ اٹیک (تیزاب حملہ) کے ایک سنگین معاملے میں فیصلہ سنایا ہے۔ عدالت نے اپنے ہندوعاشق پرتیزاب پھینک کراسے شدید طورپرجھلسانے والی ایک مسلم خاتون کوقصوروارقراردیتے ہوئے 10 سال قید کی سخت سزائی ہے۔ اس کے ساتھ ہی عدالت نے قصوروارخاتون پرجرمانہ بھی لگایا ہے۔ میڈیا رپورٹس کے مطابق، یہ پورا معاملہ معاشقہ میں ملے دھوکے اوربدلہ لینے کے جذبہ سے متعلق تھا۔
کیا ہے پورا معاملہ؟
یہ واردات احمدآباد کے ایک مصروف علاقے میں انجام دی گئی تھی۔ قصوروارخاتون کا ایک ہندونوجوان کے ساتھ لمبے وقت سے معاشقہ چل رہا تھا۔ حالانکہ بعد میں دونوں کے رشتوں میں کڑواہٹ آگئی اور نوجوان نے خاتون سے دوری بنانی شروع کردی۔ اسی بات سے ناراض ہوکرخاتون نے بدلہ لینے کی ایک خطرناک سازش کی۔ بتایا جاتا ہے کہ وہ اپنی پہچان چھپانے کے لئے برقع پہن کرنوجوان کے دفتر کے پاس پہنچ گئی۔ جیسے ہی نوجوان وہاں آیا، خاتون نے اچانک اس پرتیزاب (ایسڈ) پھینک دیا۔ اس حملے میں نوجوان کا چہرہ اورجسم کا اوپری حصہ شدید طورپر جھلس گیا تھا۔
سی سی ٹی وی اور گواہوں نے پختہ کیا کیس
واردات کے بعد پولیس نے معاملہ درج کیا اور تفتیش شروع کی۔ جانچ کے دوران پولیس نے جائے حادثہ کے آس پاس لگے سی سی ٹی وی کیمروں میں فوٹیج کھنگالے، جس میں برقع پہنی ہوئی خاتون کی مشتبہ سرگرمیاں اورحملہ کرنے کا طریقہ واضح طورپر نظرآیا۔ ٹیکنیکل سرویلانس، فورنسک ثبوتوں اور چشم دید گواہوں کے بیانوں کے بنیاد پر پولیس نے ملزم خاتون کو گرفتارکرکے عدالت کے سامنے پیش کیا۔
عدالت کارخ، معاشرہ میں سخت پیغام دینا ضروری
سماعت کے دوران سرکاری وکیل نے ملزم خاتون کے لئے سخت سے سخت سزا کا مطالبہ کیا تاکہ سماج میں ایسے گھناؤنے جرائم کرنے والوں کو معاشرے میں مضبوط پیغام دیا جاسکے۔ دونوں طرف سے دلائل سننے کے بعد اور پیش کئے گئے مضبوط فورنسک اورسائنسی ثبوت کی بنیاد پر، عدالت نے خاتون کوتعزیرات ہند (آئی پی سی) کی متعلقہ دفعات کے تحت قصوروارپایا۔ اپنے فیصلے میں عدالت نے کہا کہ کسی پرتیزاب پھینکنا کسی شخص کی پوری زندگی تباہ کرنے کے مترادف ہے، اس لئے کسی قسم کی نرمی نہ برتی جائے۔ عدالت نے خاتون کو10 سال قید اورجرمانے کی سزا سنائی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
