Adani Total Gas Q1FY27Results: اڈانی ٹوٹل گیس کے پہلی سہ ماہی نتائج، منافع میں 14 فیصد کمی، آمدنی میں 27 فیصد اضافہ

نئی دہلی: اڈانی ٹوٹل گیس لمیٹڈ نے مالی سال کی پہلی سہ ماہی(کیو ون) کے نتائج جاری کر دیے ہیں، جن کے مطابق کمپنی کے مجموعی خالص منافع میں سالانہ بنیاد پر 14 فیصد کی کمی درج کی گئی ہے۔ کمپنی کا کنسولیڈیٹڈ نیٹ پرافٹ گھٹ کر 142 کروڑ روپے رہ گیا، جبکہ گزشتہ مالی سال کی اسی سہ ماہی میں یہ 165 کروڑ روپے تھا۔ اگرچہ منافع میں کمی آئی، تاہم کمپنی کی آپریشنز سے حاصل ہونے والی آمدنی میں نمایاں اضافہ دیکھنے میں آیا۔کمپنی کی آپریشنل آمدنی سالانہ بنیاد پر 27 فیصد بڑھ کر 1,907 کروڑ روپے تک پہنچ گئی، جو گزشتہ سال کی اسی مدت کے مقابلے میں بہتر کارکردگی کی عکاسی کرتی ہے۔ سہ ماہی بنیاد پر بھی ریونیو میں 13 فیصد اضافہ ہوا۔ مارچ سہ ماہی میں کمپنی کی آمدنی 1,695 کروڑ روپے تھی، جو موجودہ سہ ماہی میں بڑھ کر 1,907 کروڑ روپے ہو گئی۔پہلی سہ ماہی کے دوران کمپنی کی مجموعی آمدنی 1,920 کروڑ روپے رہی، جب کہ ایک سال قبل یہی اعداد و شمار 1,506 کروڑ روپے تھے۔ مارچ سہ ماہی میں کل آمدنی 1,707 کروڑ روپے ریکارڈ کی گئی تھی۔ تاہم آمدنی میں اضافے کے باوجود اخراجات میں تیز رفتار اضافے نے کمپنی کے منافع پر منفی اثر ڈالا۔

کمپنی کے مجموعی اخراجات ایک سال پہلے کی پہلی سہ ماہی کے 1,288 کروڑ روپے سے بڑھ کر 1,742 کروڑ روپے ہو گئے۔ مارچ سہ ماہی میں یہ اخراجات 1,492 کروڑ روپے تھے۔ اخراجات میں اضافے کی سب سے بڑی وجہ قدرتی گیس اور تجارتی اشیا کی خریداری پر بڑھنے والی لاگت رہی۔قدرتی گیس اور ٹریڈڈ آئٹمز کی لاگت پہلی سہ ماہی میں بڑھ کر 1,302 کروڑ روپے تک پہنچ گئی، جبکہ گزشتہ سال اسی عرصے میں یہ 928 کروڑ روپے تھی۔ مارچ سہ ماہی میں بھی یہ لاگت 1,064 کروڑ روپے ریکارڈ کی گئی تھی۔ اس بڑھتی ہوئی لاگت نے کمپنی کے مارجن پر دباؤ ڈالا۔اس کے علاوہ ایکسائز ڈیوٹی بھی 120 کروڑ روپے سے بڑھ کر 153 کروڑ روپے ہو گئی۔ فنانس لاگت 28 کروڑ روپے سے بڑھ کر 39 کروڑ روپے تک پہنچ گئی، جبکہ ڈیپریسی ایشن اور ایمورٹائزیشن کے اخراجات 56 کروڑ روپے سے بڑھ کر 67 کروڑ روپے ہو گئے۔ دیگر اخراجات بھی 140 کروڑ روپے سے بڑھ کر 166 کروڑ روپے ریکارڈ کیے گئے۔

ملازمین کے فوائد پر ہونے والا خرچ معمولی کمی کے ساتھ 13 کروڑ روپے رہا، جبکہ مارچ سہ ماہی میں یہ 17 کروڑ روپے تھا۔ کمپنی کو اپنے جوائنٹ وینچرز سے حاصل ہونے والا منافع بڑھ کر 9.57 کروڑ روپے ہو گیا، جو گزشتہ سال اسی مدت میں 4.21 کروڑ روپے تھا۔کمپنی کا ٹیکس سے قبل منافع (PBT) 187 کروڑ روپے رہا، جو ایک سال پہلے 222 کروڑ روپے اور گزشتہ سہ ماہی میں 227 کروڑ روپے تھا۔ اس دوران ٹیکس کا مجموعی خرچ 45 کروڑ روپے رہا، جو گزشتہ سال کے 57 کروڑ روپے کے مقابلے میں کم ہے۔پہلی سہ ماہی میں کمپنی کی مجموعی جامع آمدنی (Total Comprehensive Income) 141 کروڑ روپے رہی، جبکہ گزشتہ سال اسی عرصے میں یہ 163 کروڑ روپے تھی۔ دیگر جامع آمدنی میں 58 لاکھ روپے کا خسارہ ریکارڈ کیا گیا، جو گزشتہ سال کے 2.07 کروڑ روپے کے خسارے سے کم ہے۔ مجموعی طور پر کمپنی کی آمدنی میں اضافہ ہوا، تاہم بڑھتی ہوئی گیس کی لاگت اور دیگر اخراجات کے باعث منافع میں کمی دیکھنے میں آئی۔

بھارت ایکسپریس اردو