اڈانی گروپ کے چیئرمین گوتم اڈانی نے جمعہ کو جھارکھنڈ کے وزیراعلیٰ ہیمنت سورین سے ملاقات کی۔ چیف منسٹرآفس یا وزیراعلیٰ دفتر (سی ایم او) نے ایک بیان میں یہ جانکاری دی۔ بیان کے مطابق، اڈانی جمعہ کی شام رانچی میں وزیراعلیٰ کی رہائش گاہ پرپہنچے۔ ہیمنت سورین کے ساتھ ان کی ملاقات تقریباً دوگھنٹے تک چلی۔ اس موقع پر جھارکھنڈ میں سرمایہ کاری سے متعلق کئی موضوعات پرتبادلہ خیال کیا گیا۔ گزشتہ سال نومبر میں ریاست میں جھارکھنڈ مکتی مورچہ (جے ایم ایم) کی قیادت والی اتحاد مسلسل دوسری بار اقتدارمیں آنے کے بعد گوتم اڈانی کی ہیمنت سورین کے ساتھ یہ پہلی ملاقات ہے۔
جھارکھنڈ میں سرمایہ کاری سے متعلق کئی موضوعات پر تبادلہ خیال
وزیراعلیٰ دفترکی طرف سے ملاقات کا ویڈیو سوشل میڈیا پرشیئرکیا گیا ہے۔ اس پوسٹ کے ساتھ لکھا گیا ہے کہ وزیراعلیٰ ہیمنت سورین سے وزیراعلیٰ کے دفترمیں اڈانی گروپ کے چیئرمین بزنس مین گوتم اڈانی نے رسمی ملاقات کی۔ اس موقع پرجھارکھنڈ میں سرمایہ کاری سے متعلق کئی موضوعات پرتبادلہ خیال ہوا۔
मुख्यमंत्री श्री @HemantSorenJMM से मुख्यमंत्री आवासीय कार्यालय में अदाणी समूह के अध्यक्ष उद्योगपति श्री @gautam_adani ने औपचारिक मुलाकात की । इस मौके पर झारखण्ड में निवेश से संबंधित कई विषयों पर हुई चर्चा। pic.twitter.com/oEd8i0SFuV
— Office of Chief Minister, Jharkhand (@JharkhandCMO) March 28, 2025
اڈانی نے ہیمنت سورین کو ایک بار پھر وزیراعلیٰ بننے پر مبارکباد دی
گوتم اڈانی جمعہ کی شام تقریباً 7:30 بجے خصوصی طیارہ سے رانچی کے برسا منڈا ایئرپورٹ پہنچے۔ اس کے بعد وہ سیدھے وزیراعلیٰ ہیمنت سورین کی رہائش گاہ پرپہنچے۔ جہاں وزیراعلیٰ نے ان کا باضابطہ استقبال کیا۔ اس موقع پرگوتم اڈانی نے ہیمنت سورین کو ایک بار وزیراعلیٰ بننے پر مبارکباد بھی دی۔ بات چیت کے بعد دیر رات تقریباً 10:30 بجے اڈانی وزیراعلیٰ کی رہائش گاہ سے نکل کرایئرپورٹ کے لئے روانہ ہوگئے۔
اڈانی گروپ کی طرف سے گوڈا میں 1,600 میگاواٹ کا پاورپلانٹ
اڈانی گروپ پہلے سے ہی جھارکھنڈ کے گوڈا ضلع میں 1,600 میگا واٹ کی صلاحیت والا الٹرا-سپرکریٹیکل تھرمل پاور پلانٹ کامیابی کے ساتھ کام کررہا ہے۔ اس کے علاوہ گوڈا کے موتیا گاؤں میں 40 لاکھ ٹن کی صلاحیت کی سیمنٹ گرائینڈنگ یونٹ قائم کرنے کے منصوبے پر کام جاری ہے۔ اس پروجیکٹ میں 1,000 کروڑ روپئے سے زیادہ کی سرمایہ کاری کی تجویزہے۔ اس منصوبے سے 2500 سے زائد افراد کوبراہ راست اوربالواسطہ روزگارفراہم کرنے کا امکان ہے۔
جھارکھنڈ میں سرمایہ کاری کی اپیل
جھارکھنڈ کے وزیراعلیٰ ہیمنت سورین نے حال ہی میں کولکاتا میں منعقدہ گلوبل بزنس سمٹ میں بھی سرمایہ کاروں سے جھارکھنڈ میں سرمایہ کاری کرنے کی اپیل کی تھی۔ انہوں نے کہا تھا کہ ریاستی حکومت سرمایہ کاری سے متعلق منصوبوں کو ہرممکن تعاون فراہم کرے گی تاکہ ریاست میں ترقی اور روزگار کے مواقع تیزی سے بڑھیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
