نئی دہلی:قومی دارالحکومت دہلی میں سڑک حادثات کا سلسلہ تھمنے کا نام نہیں لے رہا۔ مغربی دہلی کے سبھاش نگر علاقے میں جمعہ دیر رات ایک تیز رفتار کار نے ڈیلیوری بوائے کو ٹکر مار دی، جس کے نتیجے میں نوجوان موقع پر ہی ہلاک ہو گیا۔ مقتول کی شناخت رگھوبیر نگر کے رہنے والے ہیم شاکر کے طور پر ہوئی ہے/عینی شاہدین کے مطابق کار انتہائی تیز رفتاری سے چلائی جا رہی تھی اور ڈرائیور مبینہ طور پر نشے کی حالت میں تھا۔ اطلاعات کے مطابق متاثرہ نوجوان اپنی موٹر سائیکل پر آرڈر پہنچانے جا رہا تھا کہ پیچھے سے آنے والی بے قابو کار نے زور دار ٹکر مار دی۔ تصادم اس قدر شدید تھا کہ موٹر سائیکل سوار کئی میٹر دور جا گرا اور شدید چوٹوں کے باعث موقع پر ہی دم توڑ گیا۔ حادثے کے بعد علاقے میں افرا تفری مچ گئی جبکہ اطلاع ملتے ہی پولیس موقع پر پہنچ گئی اور ملزم ڈرائیور کو حراست میں لے لیا۔
ملزم کی شناخت موہت کمار ولد راجیش کمار کے طور پر ہوئی ہے جو نجف گڑھ کا رہنے والا ہے اور ایم سی ڈی کا ٹھیکیدار ہے۔ موہت کمار سڑک حادثے میں ملوث ہنڈائی ورنا کار چلا رہا تھا۔ اسے حراست میں لے لیا گیا ہے اور تعزیرات ہند (آئی پی سی) کی متعلقہ دفعات کے تحت دفعات لگائی گئیں ہیں۔
Delhi: The brother of the deceased delivery rider says, “I have lost my younger brother… he was my only support…” https://t.co/2wxkQHvi87 pic.twitter.com/RIBOKbkyIZ
— IANS (@ians_india) February 21, 2026
شدید تصادم سے کار تباہ، پولیس نے تحقیقات شروع کر دیں
حادثے کی شدت کا اندازہ اس بات سے لگایا جا سکتا ہے کہ کار کے تمام ایئر بیگز کھل گئے اور گاڑی کا اگلا حصہ مکمل طور پر تباہ ہو گیا۔ پولیس نے گاڑی کو قبضے میں لے کر قانونی کارروائی شروع کر دی ہے۔ موقع پر موجود افراد کا کہنا ہے کہ ڈرائیور نہ صرف تیز رفتاری سے
گاڑی چلا رہا تھا، بلکہ اس کی حالت بھی غیر معمولی دکھائی دے رہی تھی۔
Delhi: A speeding car rammed into a delivery rider’s scooter in the Subhash Nagar area and dragged it for some distance. The rider, Hem Shankar, a resident of Raghubir Nagar, sustained serious injuries and was rushed to DDU Hospital, where doctors declared him dead. The accused… pic.twitter.com/HW3WYxNrzq
— IANS (@ians_india) February 21, 2026
واضح رہے کہ حالیہ دنوں میں دہلی کے علاقے دوارکا میں بھی ایک مہلک سڑک حادثہ پیش آیا تھا، جہاں لال بہادر شاستری کالج کے قریب ایک نابالغ ڈرائیور کی ایس یو وی کی ٹکر سے 23 سالہ نوجوان ساحل دھنیشرا کی موت ہو گئی تھی۔ اس کیس میں پولیس نے نابالغ ہونے کے باعث ملزم کے والد کو گرفتار کیا تھا اور تحقیقات تاحال جاری ہیں۔مسلسل پیش آنے والے حادثات نے دہلی میں سڑک سلامتی اور تیز رفتاری کے خلاف سخت اقدامات کی ضرورت کو ایک بار پھر اجاگر کر دیا ہے۔ پولیس حکام کا کہنا ہے کہ لاپرواہ ڈرائیونگ اور نشے کی حالت میں گاڑی چلانے والوں کے خلاف سخت کارروائی جاری رکھی جائے گی تاکہ ایسے افسوسناک واقعات پر قابو پایا جا سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
