پہلگام دہشت گردانہ حملے کے بعد ہندوستان پاکستان کے مابین تعلقات انتہائی کشیدہ ہوچکے ہیں ،اسی بیچ پاکستان سے بڑی خبر آئی ہے۔ پاکستان کو بھارت کے حوالے سے شدید تشویش ہے اور خدشہ ہے کہ بھارت اس کے خلاف فضائی حملہ کر سکتا ہے۔ اسی بات کو مدنظر رکھتے ہوئے پاکستان نے اسکردو ایئربیس کو فعال کر دیا ہے اور اس کے لڑاکا طیارے بہت نیچی پرواز کرتے نظر آ رہے ہیں۔
کون سے لڑاکا طیارے تعینات کیے گئے؟
پاکستان نے جنوبی سیکٹر میں لڑاکا طیارے تعینات کر دیے ہیں۔ پاکستان نے چین کے J-10، JF-17، F-16 لڑاکا طیارے جنوبی سیکٹر میں تعینات کر دیے ہیں۔ پاکستانی فوج بھی بھارت کی حرکت سے خوفزدہ ہے۔ پاکستان نے فوج کے ٹرک سرحدی علاقے کی طرف روانہ کر دیے ہیں۔ سرحدی علاقوں میں پاکستانی فوجیوں کی نقل و حرکت بڑھا دی گئی ہے۔ پاکستانی فوجیوں اور ہتھیاروں کی کھیپ سرحد کی جانب روانہ کر دی گئی ہے۔حال ہی میں پاکستان کے وزیر ریلوے حنیف عباسی نے بھارت کو دھمکی دیتے ہوئے کہا تھا کہ ہمارے پاس 130 ایٹمی ہتھیار تیار ہیں۔ وزیر ریلوے کی جانب سے یہ دھمکی وزیر اعظم پاکستان شہباز شریف اور پیپلز پارٹی کے رہنما بلاول بھٹو کی دھمکیوں کے بعد سامنے آئی ہے۔
پاکستان کے وزیر ریلوے حنیف عباسی نے کہا تھا کہ ‘ہمارے تمام میزائلوں کا ہدف اب بھارت ہے، اگر بھارت نے کسی قسم کی مہم جوئی کا فیصلہ کیا تو اسے اس کی بھاری قیمت چکانی پڑے گی۔ عباسی نے دھمکی دیتے ہوئے کہا کہ ہمارے پاس دنیا کا سب سے طاقتور ایٹمی بم ہے اور ہم نے اپنے میزائل جیسے غوری، شاہین، غزنوی اور 130 ایٹمی بم صرف بھارت کے لیے رکھے ہیں۔ سفارتی کوششوں کے ساتھ ساتھ ہم نے اپنی سرحدوں کی حفاظت کے لیے بھی بھرپور تیاریاں کر رکھی ہیں۔ پہلگام حملہ محض ایک بہانہ ہے، حقیقت میں سندھ طاس معاہدہ بھارت کے ریڈار پر ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
