Bharat Express
Bharat Express
  1. Home » بین الاقوامی » Russian Hero Islam Khalilov: اسلام نامی 15 سالہ نوجوان نےماسکو حملے میں بچائی 100 سےزیادہ لوگوں کی جان،مسلم نوجوان کی بہادری پر انعامات کی برسات

Russian Hero Islam Khalilov: اسلام نامی 15 سالہ نوجوان نےماسکو حملے میں بچائی 100 سےزیادہ لوگوں کی جان،مسلم نوجوان کی بہادری پر انعامات کی برسات

اسلام نے کہا کہ جب میں بھیڑ میں تھا اور اسے کھولنے کے لیے دروازے کی طرف بڑھ رہا تھا، تو میں نے سوچا کہ شاید کوئی سیڑھیوں یا ایسکلیٹر سے آکر گرنیڈ پھینک دے یا [ہم پر] فائرنگ شروع کر دے۔ خدا کا شکر ہے کہ ایسا نہیں ہوا اور میں نے وقت پر دروازہ کھولا اور سب کو باہر جانے دیا۔

ماسکو کے کروکس سٹی ہال میں پارٹ ٹائم کوٹ چیک اٹینڈنٹ کے طور پر کام کرنے والا ایک نوجوان جمعہ کے مہلک حملے کے دوران درجنوں لوگوں کو عمارت سے بحفاظت باہر نکالنے میں مدد کرنے کے لیے وائرل ہو گیا ہے۔اسلام خلیلوف، ماسکو ہائی اسکول کا ایک طالب علم جس کا خاندان وسطی ایشیائی جمہوریہ کرغزستان سے آتا ہے، جب اس نے محصور کنسرٹ ہال سے لوگوں کے ایک بڑے ہجوم کو بھاگتے ہوئے دیکھا تو فوری طور پر دروازے کھولنے اور باہر نکلنے کی سمت فراہم کرنے کی طرف بڑھا۔اسلام کے بقول”میں نے محسوس کیا کہ اگر میں نے رد عمل ظاہر نہیں کیا، تو میں اپنی زندگی اور [میرے ارد گرد] بہت سے لوگوں کی زندگیوں سے ہاتھ دھو بیٹھوں گا۔ سچ پوچھیں تو، میں بہت خوفزدہ تھا،” 15 سالہ خلیلوف نے بتایاکہ اندازے کے مطابق اس نے تقریباً 100 لوگوں کو حفاظت کے لیے رہنمائی کی۔

اسلام نے مزید کہا کہ جب میں بھیڑ میں تھا اور اسے کھولنے کے لیے دروازے کی طرف بڑھ رہا تھا، تو میں نے سوچا کہ شاید کوئی سیڑھیوں یا ایسکلیٹر سے آکر گرنیڈ پھینک دے یا [ہم پر] فائرنگ شروع کر دے۔ خدا کا شکر ہے کہ ایسا نہیں ہوا اور میں نے وقت پر دروازہ کھولا اور سب کو باہر جانے دیا۔خلیلوف، جو حملے سے پہلے تقریباً ایک سال تک جائے وقوعہ پر کام کر رہے تھے، نے کہا کہ انہیں اور دیگر عملے کو تربیت دی گئی تھی کہ ہنگامی حالات میں کیسے کام کیا جائے، جس کی وجہ سے وہ انخلاء کی ہدایت کر سکے۔اسلام نے کہا کہ میں اپنے آپ کو ہیرو نہیں سمجھتا۔ یہ صرف میرے کام کا ایک حصہ تھا۔سینکڑوں لوگوں کو مرنے دینے سے بہتر ہے کہ خود کو قربان کر دیا جائے۔

یاد رہے کہ جمعہ کے روز ماسکو کے شمالی مضافاتی علاقے کراسنوگورسک میں کنسرٹ کے مقام پر چھپے ہوئے مسلح افراد نے دھاوا بول دیا اور عمارت کو آگ لگا دی جس میں تین بچوں سمیت کم از کم 137 افراد ہلاک ہو گئے۔البتہ اسلام اگر بہادری کا مظاہرہ نہ کرتے تو یہ تعداد مزید بڑی ہوسکتی تھی ۔خلیلوف کی بہادری کی خبر وائرل ہونے کے بعد کئی عوامی شخصیات نے ان کی تعریف کی ہے۔

ترک بشکر نژاد ایک مشہور روسی ریپر مورگنسٹرن نے خلیلوف کو ان کی ہمت کا شکریہ ادا کرنے کے لیے 1 ملین روبل (10,785) تحفے میں دیے ہیں۔ نوجوان نے کہا کہ وہ اس تحفے کو اپنے خاندان کے قرضوں کو پورا کرنے کے لیے استعمال کرے گا۔ماسکو کے اسپارٹک فٹ بال کلب – جس میں سے خلیلوف ایک بڑا فین ہے، نے ہائی اسکول کے طالب علم کو ٹیم کے کھلاڑیوں کے ساتھ خصوصی ملاقات اور استقبال کے لیے مدعو کیاہے اور اسے سپارٹک کے ہوم گیمز کے لیے سیزن پاس تحفے میں دیا۔

روس کے بچوں کے حقوق کی کمشنر ماریا لیووا بیلووا نے پیر کو خلیلوف اور 14 سالہ آرٹیوم ڈونسکوف کو، جو حملے کے وقت جائے وقوعہ پر کام کر رہے تھے، کو حکومت کی جانب سے ایک سرکاری شکریہ نامہ سے نوازاہے۔اور روس کے مفتیوں کی کونسل نے ہفتے کے روز اعلان کیا کہ وہ خلیلوف کو میڈل فار میرٹ سے نوازے گی، جو روس کی اسلامی برادری کا سب سے بڑا اعزاز ہے، اس ہفتے ماسکو کی کیتھیڈرل مسجد میں نماز جمعہ کے دوران یہ ایوارڈ انہیں دیا جائےگا۔

بھارت ایکسپریس۔

Also Read

تازہ ترین خبریں