جاپان کی دارالحکومت ٹوکیو میں منعقدہ 25ویں سمر ڈیفالیمپکس میں بھارتی دستے کی کارکردگی بے مثال رہی ہے۔ وزیر اعظم نریندر مودی نے شاندار اور تاریخی کارکردگی پر بھارتی ٹیم کو مبارکباد دی۔ وزیر اعظم نے کہا کہ پورا ملک اپنے کھلاڑیوں پر فخر محسوس کر رہا ہے۔
Heartiest congratulations to our Deaflympians for their extraordinary performance at the 25th Summer Deaflympics 2025 in Tokyo. With a historic best-ever medal tally of 20 medals including 9 Golds, our athletes have once again proven that determination and dedication can lead to… pic.twitter.com/J6O7iNC4ps
— Narendra Modi (@narendramodi) November 27, 2025
وزیر اعظم نریندر مودی نے سوشل میڈیا پلیٹ فارم ایکس پر لکھا:
’’ٹوکیو میں منعقدہ 25ویں سمر ڈیفالیمپکس 2025 میں شاندار کارکردگی کیلئے ہمارے ڈیفالیمپینز کو دلی مبارکباد۔ 9 گولڈ سمیت 20 میڈلز کی اب تک کی بہترین میڈل ٹیلّی کے ساتھ ہمارے کھلاڑیوں نے ایک بار پھر ثابت کیا ہے کہ مضبوط ارادوں اور لگن سے شاندار نتائج حاصل کیے جا سکتے ہیں۔ ہر کھلاڑی، کوچ اور سپورٹ اسٹاف کو مبارکباد۔ پورا ملک آپ سب پر فخر کرتا ہے۔‘‘
کھیل کود کے مرکزی وزیر ڈاکٹر منسکھ مانڈویہ نے بھی کھلاڑیوں کو ان کی تاریخی کارکردگی پر مبارکباد دی ہے۔
وزیر کھیل نے ایکس پر لکھا:
’’25ویں سمر ڈیفالیمپکس 2025 میں بھارت نے شاندار کارکردگی دکھائی۔ ہمارے ایتھلیٹس کے ریکارڈ 20 میڈلز ان کے صبر، ہمت اور مضبوطی کی علامت ہیں۔ یہ کامیابی وزیر اعظم نریندر مودی کے سب کو ساتھ لے کر چلنے والے مضبوط اسپورٹس ایکو سسٹم کے ویژن کو مزید طاقت دیتی ہے۔‘‘
Bharat Shines at the 25th Summer Deaflympics 2025!
A record 20 medals by our athletes showcases their grit, courage and resilience.
This milestone strengthens the inclusive sporting ecosystem envisioned by PM Shri @narendramodi ji. pic.twitter.com/3Ly3fRZnWD
— Dr Mansukh Mandaviya (@mansukhmandviya) November 27, 2025
ڈیفالیمپکس کا انعقاد 15 سے 26 نومبر تک ٹوکیو میں ہوا تھا۔ اس مقابلے میں بھارت کے 73 ایتھلیٹس نے حصہ لیا، جو 11 کھیلوں میں شرکت کر رہے تھے۔ یہ اب تک کا سب سے بڑا بھارتی دستہ تھا، جس میں 45 مرد اور 28 خواتین شامل تھیں۔ بھارتی ٹیم کی سب سے بہترین کارکردگی نشانےبازی میں دیکھنے کو ملی۔ شوٹنگ میں بھارت نے 16 تمغے جیتے، جن میں 7 سونے، 6 چاندی اور 3 کانسے کے تمغے شامل ہیں۔ اس کے علاوہ گولف میں 1 سونا، کشتی میں 2 تمغے اور کراٹے میں 1 تمغہ جیتا گیا۔ بھارت نے 2021 میں برازیل میں منعقدہ گزشتہ ڈیفالیمپکس میں کل 5 تمغے جیتے تھے، جن میں مردوں کی 10 میٹر ایئر رائفل، مردوں کی 10 میٹر ایئر پستول اور 10 میٹر ایئر رائفل مکسڈ ایونٹ میں تین طلائی تمغے شامل تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
