جنوبی افریقہ کے جوہانسبرگ میں جاری جی20 سمٹ میں بھارت کے وزیراعظم نریندر مودی نے بھرپور حصہ لیا۔ اس دوران انہوں نے نہ صرف جی20 کے سیشنز میں شرکت کی بلکہ کئی دوسرے ممالک کے رہنماؤں کے ساتھ دوطرفہ اور تین طرفہ ملاقاتیں بھی کیں۔ وزیراعظم مودی نے اپنے تجربات کو سوشل میڈیا پلیٹ فارم ایکس پر ویڈیو کے ساتھ شیئر کرتے ہوئے لکھا، “جوہانسبرگ میں کل جی20 سمٹ کی کارروائی کامیاب رہی۔ میں نے دو سیشنز میں حصہ لیا اور اہم موضوعات پر اپنے خیالات کا اظہار کیا۔ دنیا کے کئی رہنماؤں سے ملاقاتیں بھی ہوئیں۔”
جی20 کے دوسرے دن وزیراعظم مودی نے متعدد اہم اجلاسوں میں شرکت کی۔ صبح آٹھ بج کر تیس منٹ پر جنوبی افریقہ کے ساتھ دوطرفہ ملاقات ہوئی، جس کے بعد نواں بجے بھارت-برازیل-جنوبی افریقہ (IBSA) میٹنگ میں بھی وہ شامل ہوئے۔ یہ سمٹ عالمی جنوبی ممالک میں مسلسل چوتھا جی20 اجلاس ہے۔ صبح 10 بجے تیسرا سیشن شروع ہوا، جس کا مرکزی موضوع شمولیتی اقتصادی ترقی، ماحولیاتی تحفظ اور آرٹیفیشل انٹیلی جنس تھا۔
Yesterday’s proceedings at the G20 Summit in Johannesburg were fruitful. I took part in two sessions and shared my views on key issues. Also had productive meetings with many world leaders. Watch the highlights… pic.twitter.com/l8EsjxsyRO
— Narendra Modi (@narendramodi) November 23, 2025
وزارت خارجہ کے مطابق، وزیراعظم مودی نے جی20 ایجنڈا پر بھارت کی پالیسی اور نقطہ نظر پیش کیا۔ اجلاس میں تین اہم موضوعات شامل تھے ۔ شمولیتی اور پائیدار اقتصادی ترقی ،کوئی بھی ملک یا طبقہ پیچھے نہ رہ جائے، تجارتی اور مالی نظام کے ذریعے ترقی کی راہیں ہموار کرنا۔مضبوط عالمی کردار میں جی20 کا حصہ – قدرتی آفات کے خطرے کو کم کرنا، ماحولیاتی تبدیلیوں سے نمٹنا، توانائی کے ذرائع میں تبدیلی اور خوراک کے نظام کی بہتری۔ سب کے لیے منصفانہ مستقبل ، ضروری معدنیات، معیاری روزگار اور جدید ٹیکنالوجی و آرٹیفیشل انٹیلی جنس میں تعاون۔
وزیراعظم مودی نے آسٹریلیا کے وزیراعظم انتھونی البنیز اور کینیڈا کے وزیراعظم مارک کارنی کے ساتھ تین طرفہ ملاقات کی اور آسٹریلیا-کینیڈا-انڈیا ٹیکنالوجی اینڈ انوویشن (ACITI) شراکت داری کا اعلان کیا۔ انہوں نے کہا کہ یہ شراکت داری تینوں ممالک کے درمیان ٹیکنالوجی اور جدت میں تعاون کو مضبوط کرے گی۔
پی ایم مودی کی اس شرکت سے بھارت کی عالمی سطح پر قیادت، ترقیاتی ترجیحات اور تکنیکی تعاون کے میدان میں کردار کو مزید مضبوطی ملی ہے اور جی20 سمٹ کے دوران عالمی رہنماؤں کے ساتھ نئی شراکت داری کے دروازے کھلے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
